انكاراداعى اقش ەلشىلىگىنە بەلگىسىز ادامدار وق اتتى – دەپ حابارلايدى "CNN Turk" تەلەارناسى.

"CNN Turk" مالىمەتىنشە، جەرگىلىكتى ۋاقىت بويىنشا تاڭعى ساعات 5-00 شاماسىندا اق تۇستىك اۆتو كولىككە مىنگەن بەلگىسىز ادامدار انكارا قالاسىنداعى اقش ەلگىلىگىنە وق اتقان. قازىرگى تاڭدا پوليتسيا قىزمەتكەرلەرى اتالمىش وقيعاعا بايلانىس قىلمىستىق ءىس قوزعاعان. ەلشىلىك وكىلدەرىنىڭ حابارلاۋىنشا، قارۋلى شابۋىلدان جاراقات العاندار مەن زارداپ شەككەندەر جوق.

ەستەرىڭىزگە سالايىق، تامىز ايىنىڭ 1-ءى كۇنى اقش تۇركيا ىشكى ىستەر ءمينيسترى سۇلەيمان سويل مەن ادىلەت ءمينيسترى ابدۋلحاميد گۇلگە سانكتسيا سالعان. كەيىننەن 10 تامىز كۇنى اق ءۇي باسشىسى دونالد ترامپ تۇركيادان اقش-قا كەلەتىن اليۋميني مەن بولات ونىمدەرىنە كەدەن سالىعىن 50 جانە 20 پايىزعا وسىرەتىندىكتەرىن مالىمدەگەن. وسىدان كەيىن تۇركيا پرەزيدەنتى رەجەپ تايىپ ەردوعان «اقش تۇركياعا قارسى ەكونوميكالىق سوعىس اشتى» دەپ مالىمدەپ، ەل حالقىن اقش دوللارى مەن تەحنيكاسىنان باس تارتۋعا شاقىرعان.

"The Qazaq Times"