سارسەنبى كۇنى اۋعانستاننىڭ ورتالىق قالاسى كابۋلدا تەررورلىق توپتىڭ قارۋلى سودىرلارى ۇكىمەتكە قاراستى قارۋلى كۇشتەردىڭ جاتتىعۋ بازاسىنا شابۋىل جاسادى. ۇكىمەت تارابىنىڭ مالىمەتىندە تەررورلىق توپتىڭ شابۋىلى اسا سۇراپىل بولعان.

وسىدان ءسال عانا بۇرىن جانكەشتى سودىرلار قالانىڭ باتىس جاعىنداعى وقۋ ورىندارىنىڭ بىرىندە جارىلىس جاساپ، بىرنەشە ونداعان ستۋدەنتتى قىرشىنىنان قيعان. جويقىن جارىلىستا 48 ادام مەرت بولىپ، 67 ادام زارداپ شەككەن ەدى.

قاندى سارسەنبىدە قازا بولعان ستۋدەنتتەردى جەرلەپ جاتقان تۇستا، جانكەشتى توپ جاتتىعۋ بازاسىنا قۇتىرىنا شابۋىل جاساعان. شەتەلدىك جۋرناليستەردىڭ جاساعان فوتو رەپورتاجداردا قايعىعا باتقان وتباسىلار، كوزى جاستى قارا جامىلعان ايەلدەر نەگىزگى كەيىپكەر بولدى.

وڭىردەگى BBC تىلشىلەرىنىڭ حابارىنا قاراعاندا، جارىلىس شيتتەر قونىستانعان ماڭداعى وقۋ ورىنىندا، ستۋدەنتتەردىڭ ەمتيحان تاپسىرىپ جاتقان كەزىندە بولعان. كۇشتى جارىلىس ورىمدەي جاس بويجەتكەن-بوزبالالاردىڭ ءومىرىن قيعان.

سوڭعى كەزدەگى تەررورلىق شابۋىلداردىڭ كۇشەيۋىنە بايلانىستى اۋعانستان جۇرتىنىڭ ۇكىمەتكە دەگەن سەنىمى بارعان سايىن ازايىپ بارادى.

“The Qazaq Times”