فوتو: El Pais

ۋيلتشير گرافستۆوسىنىڭ پوليتسەيى سولسبەري مەن ەيمسبەري قالالارىنداعى ۋلانۋ وقيعاسىن زەرتتەۋگە 10 ميلليون فۋنت (12,9 ميلليون دوللار) جۇمساعان، - دەپ حابارلايدى «The Guardian».

باسىلىمنىڭ مالىمەتىنشە، جەتى ميلليوننان استام فۋنت وزگە قىزمەتتەردەن مامانداردى تارتۋعا كەتكەن. ال 1,3 ميلليونى ۋيلتشير پوليتسياسىنىڭ قىزمەت ۋاقىتىنان تىس جۇمىستارىنا جۇمسالعان. قالعان شىعىندار وتە قاتەرلى زاتتەكتى جۇقتىرىپ الۋى مۇمكىن پوليتسەي كولىكتەرىن پايدالانۋعا كەتكەن. ۋيلتشير گرافستۆوسىنىڭ قىلمىسپەن كۇرەسۋ پوليتسياسىنىڭ كوميسسارى انگۋس ماكفەرسوننىڭ سوزىنشە، وسىنداي ەكى ءىرى وقيعانى زەرتتەۋشى پوليتسەيلەر ءۇشىن ۋاقىت وتە از بولعان. «مەن 4,1 ميلليون فۋنت كولەمىندەگى شىعىننىڭ ورنىن تولتىرۋ مىندەتىن ءوز موينىنا العانى ءۇشىن ۇكىمەتكە العىسىمدى ايتامىن... سونىمەن قاتار، وسىنداي اۋىر وقيعامەن بايلانىستى بارلىق شىعىندار ۇكىمەت تاراپىنان وتەلەدى دەپ كۇتەمىن» ، - دەگەن، ول.

ەسكە سالايىق، ۇستىمىزدەگى جىلدىڭ ناۋرىز ايىندا  رف-نىڭ بارلاۋ قىزمەتىنىڭ بۇرىنعى قىزمەتكەرى سەرگەي سكريپال مەن قىزى يۋليا سكريپال «نوۆيچوك» (رەسەيدە شىعارىلعان) جۇيكە-سال اۋرۋىن تۋدىرۋشى زاتتەگى ارقىلى ۋلانعان ەدى. لوندوننىڭ حابارلاۋىنشا، بۇل وقيعانىڭ ارتىندا رەسەي تۇر. ال، كەيىن 30 ماۋسىمدا ۇلىبريتانيانىڭ ەيمسبەري قالاسىنداعى ۇيدە ەرلى-زايىپتى چارلي روۋلي مەن دون ستەردجەسس تە ءدال وسى زاتتەكپەن ۋلانعان ەدى. كەيىن، ايەل اۋرۋحانادا كوز جۇمدى. بريتانيا ۇكىمەتى ەرلى-زايىپتىلار دا سول «نوۆيچوكپەن» ۋلانعان دەپ مالىمدەگەن ەدى.

“The Qazaq Times”