بريتانيا: سكريپالدىڭ ۋلانۋىنا پۋتين كىنالى

بريتانيا قاۋىپسىزدىك ءمينيسترى بەن ۋاللەس سكريپالدىڭ حيميالىق قارۋمەن ۋلانۋىنا تىكەلەي ءپۋتيننىڭ قاتىسى بار دەپ مالىمدەدى.

BBC تىلشىلەرىنە بەرگەن سۇحباتىندا ول: «ۆلاديمير پۋتين رەسەيدى باسقارىپ وتىرعاننان كەيىن سول ەلدىڭ الەمگە قاتىستى كەز كەلگەن جاعدايلارىنا جاۋاپ بەرۋى ءتيىس. دەمەك، رەسەيلىك ەكس-اگەنت سەرگەي سكريپال مەن قىزى يۋليا سكريپالدىڭ سولسبەريدە ۋلانۋىنا قاتىسى بار ادامنىڭ ءبىرى سول» – دەگەن.

كەشە بريتانيالىق ءتارتىپ ساقشىلارى سكريپالدەردى ۋلادى دەگەن كۇدىكپەن ەكى ورىس ازاماتىن ۇستادى. «Reuters» اگەنتتىگى ۇستالعان قوس كۇدىكتى الەكساندر پەتروۆ پەن رۋسلان بوشيروۆ رەسەي ازاماتى جانە بولعان وقيعاعا قاتىستى ەكەۋىنىڭ كىناسىن دالەلدەيتىن ايعاقتار كوپ دەگەن.

بىرىككەن كورولدىك پروكۋراتۋراسى رەسەيلىك ازاماتتاردى ەكستراداتسيالامايدى، بىراق ءىستىڭ اق-قاراسىن اجىراتىپ، ءتيىستى قاتاڭ جازا قولداناتىنىن ايتقان. وسى ۋاقىتقا دەيىن اقش پەن ۇلىبريتانيا بۇل ىسكە رەسەيدى ايىپتاعان بولاتىن. الايدا، ماسكەۋ وزىنە تاعىلعان ايىپتىڭ ورىنسىز ەكەنىن ايتىپ، مويىنداماي كەلگەن. ەندى بەن ۋاللەستىڭ سۇحباتىنان سوڭ، ءپۋتيننىڭ سوزىنە كۇمانمەن قاراۋشىلار سانى تىپتەن ارتا تۇسپەك.

"The Qazaq Times"