فوتو: BBC

زەرتتەۋشىلەردىڭ ايتۋىنشا، اۋانىڭ لاستانۋىنان الەمدە جىل سايىن شامامەن 5,5 ميلليون ادام مەزگىلسىز قايتىس بولادى. بۇل تۋرالى BBC حابارلادى.

ەلەكتروستانتسيالار مەن  تۇرلى ترانسپورتتاردان، سونداي-اق كومىردىڭ جانۋىنان تۋىندايتىن توكسيندى ميكروبولشەكتەرمەن تىنىس الۋ – جۇرەك اۋرۋى مەن وكپەنىڭ قاتەرلى ىسىگىنە شالدىقتىرادى.

زەرتتەۋ قورىتىندىسى بويىنشا، اۋانىڭ لاستانۋى جاي عانا سەمىزدىككە، ناشاقورلىققا اكەلىپ سوقپايدى، ونىڭ سالدارىنان  جەر بەتىندەگى تىرشىلىك يەلەرى  ومىرىمەن قوشتاسادى ەكەن. سونىڭ ىشىندە، لاستانۋ سالدارىنان  ادام ءولىمى كوپ ورىن العان ەلدەردىڭ كوشىن قىتاي مەن ءۇندىستان باستاپ تۇر.

اۋانىڭ لاستانۋىنا تاعى ءبىر سەبەپكەر رەتىندە – پوليەتيلەندى پاكەتتەردى جاتقىزۋعا بولادى. كۇندەلىكتى دۇكەننەن العان تاۋارلارىڭدى سالىپ شىعاتىن  پاكەتىڭ نەمەسە قاراپايىم ساتىپ الىپ جۇرگەن پلاستماسس ىدىستاعى سۋسىندى زيانسىز دەپ ەسەپتەيتىندەر كوپ. شىن مانىسىندە، ەڭ قاۋىپتى فاكتى – وسىلار. ولاردى بەلگىلى ءبىر قوقىس ورنىنا نە تەڭىز ماڭىنا اپارىپ توگەتىنىن، ارتىنان ورتەيتىنىن ءبارى بىلەدى. سويتە تۇرا بارلىعى پايدالانادى. سەبەبى، امال جوق. ولار ارزان، ءتيىمدى، ءارى ءبىر رەت قانا پايدالانۋعا ارنالعان. ماتادان جاسالعان دوربالارمەن قوقىس شىعار المايسىڭ، ونى جۋىپ جاتۋعا بويداعى جالقاۋلىق تاعى جىبەرمەيدى. قايتپەك كەرەك؟

فوتو: geograph

ەستۋىمىزشە، گەرمانيانىڭ بىرقاتار قالالارى پوليەتيلەندى تاۋارلاردان (پاكەت، پلاستماسس ىدىس) ءبىرجولا باس تارتقان. دۇكەننەن زات ساتىپ السا دا، وزدەرىنىڭ ماتادان جاسالعان دورباسىنا سالىپ الىپ كەتەتىن كورىنەدى. ال سۋسىندار مەن كەيبىر زاتتار ارنايى زيانسىز قۇتىلاردا ساتىلادى. جاقسى باستاما.

سونىمەن قاتار، يتاليا، اۋستراليا، سينگاپۋر، گاۆاي، يرلانديا دا پوليەتيلەندى پاكەتتەردەن باس تارتقان مەملەكەتتەر قاتارىنا جاتادى. ولار ارنايى قاعازدان جاسالىنعان پاكەتتەردى ارزانداتىپ، قاراپايىم پوليەتيلەندى پاكەتتەردىڭ باعىسىن 2-3 ەسە قىمباتتاتىپ جىبەرگەن. ارينە، حالىق ارزانىن تاڭدايدى. ەسەسىنە، وزەن-كولدەر تازا بولادى، اۋا لاستانبايدى.

 «The QazaqTimes»