ۆەنەسۋەلانىڭ اقپارات جانە بايلانىس ءمينيسترى حوركە رودريەس پرەزيدەنت نيكولوس مادۋروعا جاسالعان قاستاندىقتىڭ جارتى جىل بويى ويلاستىرىلعانىن مالىمدەدى، - دەپ حابارلايدى «timeturk.com».
"پرەزيدەنت مادۋرونىڭ قاۋىپسىزدىك قىزمەتى ونى دەر كەزىندە ەۆاكۋاتسيالاپ قانا قويمادى، سونىمەن قاتار قىلمىس ورىن العان جەردە بىرنەشە كۇدىكتىنى دە قولعا ءتۇسىردى... قازىرگى تاڭدا ولار وسى وپەراتسيانىڭ ەگجەي-تەگجەيىنە دەيىن ايتىپ بەرۋدە. ازىرگە بەلگىلىسى، بۇل وپەراتسيا كەم دەگەندە جارتى جىل بۇرىن ويلاستىرىلعان", - دەدى رودريگەس.
بۇدان بۇرىن، سەنبى كۇنى بوليۆار داڭعىلىنداعى تريبۋنادا مادۋرونىڭ شەرۋى كەزىندە وعان جارىلعىش قۋاتى بار بىرنەشە ۇشۋ قۇرىلعىلارىنىڭ باعىتتالعانى تۋرالى حابارلانعان ەدى. اقپارات قۇرالدارىنىڭ جازۋىنشا، وقيعا سالدارىنان جەتى گۆاردياشى جاراقات العان، ابىروي بولعاندا پرەزيدەنتكە ەشتەڭە بولماعان. كەيىن مادۋرونىڭ ءوزى وسى وقيعاعا كولۋمبيا بيلىگى مەن وپپوزيتسياسىن كىنالاعان.
ال، كوليۋبيا ءسىم وزدەرىنىڭ وقيعاعا قاتىستىلىعى تۋرالى ايىپتاۋدى جوققا شىعارۋدا. سونىمەن قاتار، اقش- پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى دجون بولتون «Fox News» تەلەارناسىنا بەرگەن سۇحباتىندا امەريكالىق بيلىكتىڭ دە پرەزيدەنت مادۋروعا جاسالعان قاستاندىققا ەشقانداي قاتىسى جوق ەكەنىن مالىمدەدى.
ەندەشە، قاستاندىقتى كىم ۇيىمداستىردى؟
سەنبى كۇنى ۆەنەسۋەلا پرەزيدەنتى مادۋروعا جاسالعان قاستاندىق ارەكەتىن «فلانەلدى اسكەر» اتتى استىرتىن توپ ءوز موينىنا العان. «وپەراتسيا س4 جارىلعىشى بار ەكى درون ارقىلى جاسالدى. الدىمەن پرەزيدەنتتىك تريبۋناعا باعىتتالدى، الايدا پرەزيدەنتتىك گۆارديا دروندى كوزدەگەن نىساناعا جەتپەي تۇرىپ اتىپ ءتۇسىردى»، - دەپ جازىلعان اتالعان توپتىڭ «Twitter» جەلىسىندەگى پاراقشاسىندا.
«Sin Embargo» اتتى مەكسيكالىق پورتال «فلانەلدى اسكەرلەر» توبىنىڭ 2014 جىلى قۇرىلعانىن جانە 2018 جىلدىڭ قاڭتار ايىنداعى ارنايى وپەراتسيا كەزىندە كوزى جويىلعان كوتەرىلىسشى پوليتسەي وسكار پەرەسپەن بايلانىسى بار ەكەنىن حابارلايدى. اتالعان توپ ءوزىن مادۋروعا قارسى ۇلتتىق دەڭگەيدە كۇرەسۋشى بارلىق كۇشتەردى بىرىكتىرۋشى رەتىندە تانىتقان. پرەزيدەنت مادۋرو وزىنە قاستاندىق جاساعانداردى اۋىر جازا كۇتىپ تۇرعانىنا ۋادە بەرگەن. «ەشقانداي كەشىرىم بەرىلمەيدى. مەن بۇعان حالىقتىڭ بولاشاعىمەن، وتانىمنىڭ بولاشاعىمەن انت ىشەمىن»، - دەپ مالىمدەگەن مادۋرو حالىققا ارنالعان تەلەكوپىردە.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟