ءازىربايجاندا قارسىلىق اكتسياسى كەزىندە ەكى پوليتسيا قىزمەتكەرى كوز جۇمدى.

ءازىربايجان ىشكى ىستەر مينيسترلىگى ءباسپاسوز قىزمەتىنىڭ حابارلاۋىنشا، شىلدە ايىنىڭ 10-ى كۇنى گياندجا قالاسىنىڭ ورتالىعىنا 200 ادام جينالىپ، پوليتسيامەن قاقتىعىسقان. سالدارىنان رۇقساتسىز قارسىلىق اكتسياسىن تاراتۋعا كەلگەن ەكى پوليتسيا قىزمەتكەرى وقيعا ورنىندا كوز جۇمعان.

ءازىربايجان باس پروكۋراتۋراسىنىڭ مالىمەتىنشە، قارسىلىق اكتسياسىنا قاتىسقان 200 ادامنىڭ بارلىعى «راديكالدى ءدىني توپ» وكىلدەرى. ولار زاڭسىز قارسىلىق اكتسياسىنا شىعۋ ارقىلى «3 شىلدە كۇنى گياندج قالاسىنىڭ اكىمى ەلمار ۆاليەۆقا قاستاندىق جاسادى» دەگەن كۇدىكپەن ۇستالعان ازاماتتى بوساتۋدى تالاپ ەتكەن.

“The Qazaq Times”