اقش مەملەكەتتىك حاتشىسى مايك پومپەو.

اقش مەملەكەتتىك حاتشىسى مايك پومپەو: «يران ءوزىنىڭ ديپلوماتيالىق ەلشىلىكتەرى ارقىلى لاڭكەستىك شابۋىل جاساماق» – دەپ مالىمدەدى.  

Associated Press اقپارات اگەنتتىگىنىڭ حابارلاۋىنشا، مايك پومپەو يران ماسەلەسىنە قاتىستى جۋرناليستەر الدىندا سويلەگەن سوزىندە: «يران يسلام رەسپۋبليكاسى ءوزىنىڭ ديپلوماتيالىق ەلشىلىكتەرى ارقىلى ەۋروپا ەلدەرىندە تەراكت جاساماق. وتكەن اپتادا عانا پاريجدە لاڭكەستىك شابۋىل جاساماق بولعان يران ازاماتتارى ۇستالدى. ءبىز قازىردىڭ وزىندە يراننىڭ ەۋروپاعا دەگەن وشپەندىلىگىن كورىپ وتىرمىز» - دەپ مالىمدەگەن.

ەستەرىڭىزگە سالايىق، بۇعان دەيىن گەرمانيا اۋماعىندا فرانتسيا استاناسىندا تەراكت جاساماق بولدى دەگەن كۇدىكپەن يران ديپلوماتى ۇستالعان. بىراق رەسمي تەھران گەرمانيا ارنايى قىزمەتىنىڭ بۇل ارەكەتىن ارانداتۋ دەپ باعالاپ، قارسىلىق نوتاسىن جىبەرگەن.

“The Qazaq Times”