وزبەكستان پرەزيدەنتى رەسمي ىسساپارمەن استاناعا كەلەدى

وزبەكستان پرەزيدەنتى شاۆكات ميرزيەەۆ نۇرسۇلتان نازارباەۆتىڭ شاقىرتۋىمەن استاناعا كەلەدى.

وزبەكستان پرەزيدەنت اكىمشىلىگى ءباسپاسوز قىزمەتىنىڭ مالىمەتىنشە، شىلدە ايىنىڭ 5-ءى كۇنى نۇرسۇلتان نازارباەۆ پەن شاۆكات ميرزيەەۆ تەلەفون ارقىلى سويلەسكەن. اڭگىمە بارىسىندا قازاقستان پرەزيدەنتى وزبەكستان باسشىسىن 6 شىلدە كۇنى استاناعا شاقىرعان.

وزبەكستان پرەزيدەنتىنىڭ ءباسپاسوز حاتشىسى كوميت اللامجونوۆتىڭ  سوزىنشە، شاۆكات ميرزيەەۆ شىلدە ايىنىڭ 6-ى كۇنى استانا قالاسىنىڭ 20 جىلدىعىنا ارنالعان مەرەكەلىك ءىس-شاراعا قاتىسادى جانە بىرقاتار ەكى جاقتىق كەزدەسۋلەر وتكىزەدى.

ەستەرىڭىزگە سالايىق، بيىل استانا قالاسىنىڭ 20 جىلدىق مەرەيتويىن اتاپ وتۋگە ەل بيۋدجەتىنەن 19 ميلليارد تەڭگە قارجى بولىنگەن. اتالمىش قارجىعا 85 ءتۇرلى مەرەكەلىك ءىس-شارا وتكىزۋ جوسپارلانعان. جالپى، وسى 20 جىل ىشىندە استانا قالاسىنىڭ قۇرىلىسىنا 2,7 تريلليون تەڭگە قارجى جۇمسالعان.

“The Qazaq Times”