ءسىم اقش مەملەكەتتىك حاتشىسى پومپەونى قازاقستانعا شاقىردى

سىرتقى ىستەر ءمينيسترى قايرات ءابدىراحمانوۆ اقش مەملەكەتتىك حاتشىسى مايك پومپەونى قازاقستانعا شاقىردى.

سىرتقى ىستەر مينيسترلىگى ءباسپاسوز قىزمەتىنىڭ حابارلاۋىنشا، قايرات ءابدىراحمانوۆ ماۋسىم ايىنىڭ 28-ءى كۇنى اقش مەملەكەتتىك حاتشىسى مايك پومپەومەن تەلەفون ارقىلى سويلەسكەن. تىلدەسۋ بارىسىندا ءابدىراحمانوۆ پەن پومپەو ەكى جاقتىق قارىم-قاتىناستى دامىتۋ، ساۋدا-ەكونوميكالىق بايلانىس، اۋىلشارۋاشىلىعى جانە ەنەرگەتيكا سالالارىن نىعايتۋ جونىندە اڭگىمە قوزعاعان.

بۇدان بولەك اڭگىمە باريسىندا قوس تاراپ اۋعانستان ماسەلەسىن تالقىلاپ، اتالمىش ماسەلەدە قازاقستان مەن ورتالىق ازيا ەلدەرىنىڭ اقش جانە وزگە دە سەرىكتەستەرىمەن ىنتىماقتاسا جۇمىس ىستەۋى ماڭىزدى ەكەندىگىن ايتقان. ءسوز سوڭىندا قايرات ءابدىراحمانوۆ مايك پومپەونى قازاقستانعا رەسمي ىسساپارمەن كەلۋگە شاقىرعان.

“The Qazaq Times”