ەۋرووداق ەلدەرى بوسقىندار ماسەلەسىندە كەلىسىمگە كەلە المادى – دەپ حابارلايدى «نەمىس تولقىنى» اقپارات اگەنتتىگى.

ماۋسىم ايىنىڭ 24-ءى كۇنى بريۋسسەلدە 16 ەلدىڭ مەملەكەت باسشىلارىنىڭ قاتىسۋىمەن كەزەكتەن تىس ەۋرووداق ءسامميتى ءوتتى. جيىنداعى كۇن تارتىبىندەگى باستى تاقىرىپ «ەۋروپاداعا بوسقىندار ماسەلەسى» بولدى. بىراق ۇزاق جىلدار بويى ەۋرووداق ەلدەرى اراسىندا داۋ تۋعىزىپ كەلە جاتقان بۇل ماسەلە بۇل جولىدا ءوز شەشىمىن تاپقان جوق. تاراپتار بوسقىنداردى قابىلداۋدا ءبىر ماملەگە كەلە المادى.

جيىن سوڭىندا جۋرناليستەر الدىندا ءسوز سويلەگەن گەرمانيا كانتسلەرى انگەلا مەركەل: «ءبىز بارلىق ماسەلەلەر بويىنشا جالپى ەۋروپالىق شەشىم شىعارۋىمىز قاجەت. قارسى تاراپتاردى بىرىكتىرەتىن باعدارلاما دايىنداۋ كەرەك» - دەپ قىسقا عانا  مالىمدەمە جاسادى.

ال ءوز كەزەگىندە فرانتسيا پرەزيدەنتى ەممانۋەل ماكرون اتالمىش باس قوسۋدىڭ ۇلتتىق قۇندىلىقتارعا قايشى دۇنيەلەردى انىقتاۋعا سەپتىگىن تيگىزگەندىگىن ايتىپ، كەزدەسۋدىڭ جوعارى دەڭگەيدە وتكەندىگىن جەتكىزدى.

“The Qazaq Times”