موڭعوليا ءوزىنىڭ ەڭ العاشقى مۇناي وڭدەۋ زاۋىتىنىڭ قۇرىلىسىن باستادى – دەپ حابارلايدى «Reuters» اقپارات اگەنتتىگى.

اگەنتتىك مالىمەتىنشە، ماۋسىم ايىنىڭ 22-ءى كۇنى موڭعوليا پرەمەر-ءمينيسترى ۋحنااگين حۋرەلسۋح پەن ءۇندىستان ىشكى ىستەر ءمينيسترى رادجاناتح سينگح دورنوگوۆ پروۆينتسياسىندا ەل تاريحىنداعى ەڭ العاشقى مۇناي وڭدەۋ زاۋىتىنىڭ ىرگە تاسىن قالاۋ سالتاناتتى شاراسىنا قاتىسقان. جالپى قۇنى 1,35 ميلليارد دوللاردى قۇرايتىن مۇناي وڭدەۋ زاۋىتىنىڭ قۇرىلىسى 2022 جىلى اياقتالادى دەپ كۇتىلۋدە.

ساراپشىلار پىكىرىنشە، جىلىنا 1,5 ميلليون توننا مۇناي وڭدەيتىن زاۋىت الداعى ۋاقىتتا موڭعوليانىڭ بەنزين قاۋىپسىزدىگىن قامتاماسىز ەتەدى. سەبەبى موڭعوليا وسى ۋاقىتقا دەيىن مۇناي ونىمدەرىن شەتەلدەردەن يمپورتتاپ كەلگەن. بىلتىرعى جىلعى ستاتيستيكالىق مالىمەتتەر بويىنشا، موڭعول ەلى 1,5 ميلليون توننا مۇناي ءونىمىن يمپورتتاعان.

“The Qazaq Times”