فوتو: ەممانۋەل ماكرون

امەريكالىق «The Wall Street Journal» باسىلىمى  "فرانتسيا پرەزيدەنتى ەممانۋەل ماكرون فرانتسۋز ءتىلىن ەۋروپا وداعىنىڭ نەگىزگى رەسمي تىلىنە اينالدىرعىسى كەلەدى", دەپ – حابارلايدى.

ماكروننىڭ ويىنشا، ۇلىبريتانيانىڭ ەۋروداق قۇرامىنان شىعۋى (2019 جىلدىڭ 29 ناۋرىزىندا شىعادى دەپ كۇتىلۋدە — رەد.) ەۋروداقتىڭ نەگىزگى ءتىلىنىڭ وزگەرتىلۋى ءۇشىن قولايلى ءسات. ول، سونداي-اق 1979 جىلعا دەيىن ەۋروپادا فرانتسۋز ءتىلى ءىس-قاعازدارىن جۇرگىزۋدە باستى ءتىل بولعانىن دا ايتىپ، بولاشاقتاعى جوسپارلارىمەن ءبولىستى. ەستەرىڭىزگە سالا كەتەيىك، ۇستىمىزدەگى جىلدىڭ 21 ناۋرىزىندا فرانتسۋز ءتىلىنىڭ حالىقارالىق كۇنىندە پرەزيدەنت ەممانۋەل ماكرون الەمدە فرانتسۋز ءتىلى مەن مادەنيەتىنىڭ كەڭ تارالۋىنا قاتىستى جوسپارىن جاريالاعان ەدى. ماكروننىڭ جوسپارىنا سايكەس، 2065 جىلعا قاراي فرانتسۋز تىلىندە سويلەيتىندەردىڭ سانى ميللياردقا جەتۋى كەرەك.

“The Qazaq Times”