ساۋديا بيلىگى حانزادا سالماننىڭ قايتىس بولعانى تۋرالى حاباردى جوققا شىعاردى

ساۋد-اربيا بيلىگى مۇراگەر حانزادا مۇحاممەد بين سالماننىڭ قايتىس بولعانى تۋرالى حاباردى جوققا شىعاردى، دەپ حابارلايدى france24.com/fr اگەنتتىگى. مۇنداي حاباردىڭ تارالۋىنا حانزادانىڭ ءبىراز ۋاقىتتان بەرى جۇرت كوزىنە كورىنبەۋى سەبەپ بولعان.

لوندوندا جارىق كورەتىن «Asharq Al-Awsat» باسىلىمى حانزادا سالمان مەن ليۆيانىڭ پرەمەر-ءمينيسترى فاياز ساررادجدىڭ كەزدەسۋ بارىسىنداعى سۋرەتتەرىن جاريالاپ، اقپارات تاراتقان. بۇدان بۇرىن، يراندىق اقپارات قۇرالدارىنىڭ حابارلاۋىمەن 21 ساۋىردەگى جۇزەگە اسىرىلماي قالعان مەملەكەتتىك توڭكەرىس كەزىندە سالماننىڭ قازا تاپقانى تۋرالى اقپارات كەڭىنەن تاراپ كەتكەن ەدى. ونىڭ ۇستىنە، اراب اقپارات قۇرالدارىنىڭ حابارلاۋىنشا، حانزادا تۋرالى وسىنداي قاۋەسەتتىڭ تارالۋىنا ساۋد-ارابياسى رەسمي ۇيىمدارىنىڭ تاراپىنان ونىڭ ءتىرى ەكەندىگىنە قاتىستى ەشقانداي اقپارات بەرىلمەگەنى سەبەپ بولعان. قازىردىڭ وزىندە، بۇعان دەيىن ىشكى ساياساتتا دا، سىرتقى ساياساتتا دا وتە بەلسەندىلىك تانىتىپ جۇرگەن حانزادا اقپارات الاڭىنان كورىنبەي ءجۇر. ءتىپتى، كەيبىر ساياساتكەرلەر مەن ساراپشىلار ونىڭ دەنساۋلىعىنا قاتىستى كىنارات بار بولۋى مۇمكىن دەگەن بولجامدار ايتۋدا. دەگەنمەن، جوعارىدا حابارلاعانىمىزداي، ساۋد-ارابيا ۇكىمەتى ونىڭ ءتىرى ەكەنىن مالىمدەگەن.

“The Qazaq Times”