فوتو: مايكل كوەن

ترامپتىڭ جەكە ادۆوكاتى مايكل كوەن ۋكراينا پرەزيدەنتىنىڭ  اقش پرەزيدەنتى دونالد ترامپپەن العاشقى كەزدەسۋى ءۇشىن اقشا تولەگەنىن جوققا شىعاردى، دەپ حابارلايدى رەيتەر.

«بۇل ايتىلعاندار سولايىمەن وتىرىك»، دەپ جازعان كوەن ارنايى مالىمدەمەسىندە. الايدا، اق ءۇي اگەنتتىكتەردىڭ وسى اڭىمەگە قاتىستى قويعان سۇراعىنا تىم كەشىكتىرىپ جاۋاپ بەرگەن. رەيتەر اگەنتتىگى ۋكراينا پرەزيدەنتىنىڭ اكىمشىلىگى بي-بي-سي اگەنتتىگىندە جاريالانعان ماقالانى تەرىسكە شىعارىپ، ونى «وتىرىك پەن جالاعا تۇنىپ تۇر» دەپ ايتقانىن جازعان ەدى.

ەسكە سالايىق، بۇدان بۇرىن الەمدىك بەدەلگە يە بي-بي-سي اگەنتتىگى كيەۆتىڭ اقپارات قۇرالدارىنا سىلتەمە جاساپ، ۋكراينا پرەزيدەنتى پەتر پوروشەنكو مەن ترامپ اراسىنداعى كەزدەسۋدى ۇيىمداستىرۋ ءۇشىن اقش پرەزيدەنتىنىڭ جەكە ادۆوكاتى مايكل كوەنعا جاسىرىن تۇردە 400 000 دوللار بەرىلگەنى تۋرالى حابار جاريالاعان ەدى. اتالعان كەزدەسۋ 2017 جىلدىڭ 20 ماۋسىم كۇنى اق ۇيدە وتكەن بولاتىن.

  “The Qazaq Times”