2014 جىلى وففشورلىق كومپانيانى تىركەۋ فاكتىسى بويىنشا ۋكراينانىڭ ەكس-پرەزيدەنتى پەتر پوروشەنكوعا قاتىستى قىلمىستىق ءىس قوزعادى. بۇل تۋرالى ادۆوكات اندرەي پورتنوۆ حابارلادى.
Facebook پاراقشاسىندا سوتقا دەيىنگى تەرگەۋ تۋرالى جازعان پورتنوۆ: «پوروشەنكو ۋكراينا پرەزيدەنتى رەتىندە قىزمەت ەتە وتىرىپ، 2014 جىلدىڭ تامىزىندا ۇلىبريتانياداعى ۆيرگين ارالدارىنىڭ يۋريسديكتسياسىندا Prime Asset Partners Limited كومپانياسىن تىركەگەنر. ونىڭ جالعىز بەنەفيتسيارلىق يەسى پوروشەنكونىڭ ءوزى»، – دەپ جازدى.
ادۆوكاتتىڭ ايتۋىنشا، بۇرىنعى پرەزيدەنت تىركەلگەن كومپانيانى جاسىرعان جانە ونى كىرىستەر مەن قارجىلىق مىندەتتەمەلەر تۋرالى دەكلاراتسيادا كورسەتپەگەن. ال كومپانيانىڭ ءوزى «زاڭسىز ارەكەتتەردى ودان ءارى جۇزەگە اسىرۋ ءۇشىن، اتاپ ايتقاندا سالىق تولەۋدەن جالتارۋ جانە قىلمىستىق جولمەن الىنعان كىرىستەردى زاڭداستىرۋ ماقساتىندا» قۇرىلعان.
قازىر پەتر پوروشەنكوعا قاتىستى 20-دان استام قىلمىستىق ءىس قوزعالعان. ولاردىڭ كوپشىلىگى پورتنوۆتىڭ وتىنىشىمەن اشىق جاريالانىپ وتىر. اتاپ ايتقاندا، قىركۇيەكتە ادۆوكات كيەۆتەگى سوت ۋكراينا باس پروكۋرورىنىڭ كەڭسەسىنە ەكس-پرەزيدەنتكە قاتىستى مەملەكەتتىك «ۋكرەكسيمبانككە» قايتارىلماعان نەسيەگە قاتىستى جاڭا قىلمىستىق ءىستى تەرگەۋدى باستاۋعا مىندەتتەگەنىن حابارلادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟