Foto: Maykl Koen

Tramptıñ jeke advokatı Maykl Koen Ukraina prezidentiniñ  AQŞ prezidenti Donal'd Tramppen alğaşqı kezdesui üşin aqşa tölegenin joqqa şığardı, dep habarlaydı Reyter.

«Bwl aytılğandar solayımen ötirik», dep jazğan Koen arnayı mälimdemesinde. Alayda, Aq üy agenttikterdiñ osı äñimege qatıstı qoyğan swrağına tım keşiktirip jauap bergen. Reyter agenttigi Ukraina prezidentiniñ äkimşiligi Bi-Bi-Si agenttiginde jariyalanğan maqalanı teriske şığarıp, onı «ötirik pen jalağa twnıp twr» dep aytqanın jazğan edi.

Eske salayıq, bwdan bwrın älemdik bedelge ie Bi-Bi-Si agenttigi Kievtiñ aqparat qwraldarına silteme jasap, Ukraina prezidenti Petr Poroşenko men Tramp arasındağı kezdesudi wyımdastıru üşin AQŞ prezidentiniñ jeke advokatı Maykl Koenğa jasırın türde 400 000 dollar berilgeni turalı habar jariyalağan edi. Atalğan kezdesu 2017 jıldıñ 20 mausım küni Aq üyde ötken bolatın.

  “The Qazaq Times”