فوتو: focus.ua

سارسەنبىدە ترامپتى اقش سەناتىنىڭ حالىقارالىق قاتىناستار كوميتەتىنىڭ جەتەكشىلەرى رەسەي ۇكىمەتى وپپوزيتسيالىق ساياساتكەر الەكسەي ناۆالنىيدى نوۆيچوك ۋىمەن ۋلاعانى ءۇشىن ماسكەۋدى جاۋاپقا تارتۋعا شاقىردى.

كوميتەتتىڭ رەسپۋبليكاشىل توراعاسى، سەناتور دجيم ريش جانە ونىڭ دەموكرات مۇشەسى، سەناتور بوب مەنەندەس ترامپقا جازعان حاتىندا: «ءبىزدى رەسەيدىڭ سىبايلاس جەمقورلىققا قارسى بەلسەندىسى ناۆالنىيدى تامىزدا نوۆيچوك حيميالىق جۇيكە قوزدىرعىش ۋ مەن ۋلانعاندىعى قاتتى الاڭداتادى»، - دەيدى كوميتەتتىڭ باسشىلارى.

8 قىركۇيەكتە كوميتەتتىڭ وسىعان ۇقساس وتىنىشىنەن كەيىن ناۆالنىيدىڭ ۋلانۋ ماسەلەسىنە حالىقارالىق قولداۋ ارتا تۇسكەن بولاتىن. سونمەن قاتار سارسەنبىدە گەرمانيا كانتسلەرى انگەلا مەركەل ەۋروپالىق سەرىكتەستەرمەن قىلمسقا قاتىسى بارلاردى جاۋاپقا تارتۋ ماسەلەسىن تالقىلايتىنىن مالىمدەدى.

كرەمل سىنشىسى وتكەن اپتادا 32 كۇندىك ەمنەن كەيىن بەرليندەگى چاريتە اۋرۋحاناسىنان شىقتى. گەرمانيا زەرتقاناسى وپپوزيسونەر كەڭەس ۇلگىسىندەگى نوۆيچوك ۋىمەن ۋلانعانىن ايتادى، الايدا ماسكەۋ ناۆالنىيدىڭ ۋلانعانى تۋرالى ەشقانداي دالەل كورمەگەنىن مالىمدەدى.

اق ءۇي ريش پەن مەنەندەستىڭ حاتىنا بىردەن جاۋاپ بەرمەدى. اقش-تىڭ بۇۇ-داعى ەلشىسىنىڭ ورىنباسارى ۇيىمنىڭ قاۋىپسىزدىك كەڭەسىندە وسى ماسەلە بويىنشا   وداقتاستارمەن جۇمىس ىستەيتىنىن ايتتى.

"The Qazaq Times"