فوتو: وتكرىتايا ازيا

قىرعىزستاندا ەكس-پرەزيدەنتتەردى جاۋاپكەرشىلىككە تارتاتىن زاڭ جوباسى ازىرلەنبەك – دەپ حابارلايدى اكي-press اقپارات اگەنتتىگى.

اگەنتتىك مالىمەتىنشە، جوعارى كەڭەس دەپۋتتاتتارى پارلامەنتكە قاراستى ەكى بىردەي ءپروفيلدى ۆەدومستۆاعا ەكس-پرەزيدەنتتەردى جاۋاپكەرشىلىككە تارتاتىن زاڭ جوباسىن ازىرلەۋگە تاپسىرما بەرگەن.

«ونۋگۋ-پروگرەسس» فراكتسياسىنىڭ دەپۋتاتى ىسقاق مىساليەۆتىڭ سوزىنشە، جوعارى كەڭەس وزىنە قاراستى ەكى ۆەدومستۆاعا ەكس-پرەزيدەنتتەردىڭ زاڭ الدىندا جاۋاپ بەرۋ ءتارتىبىن رەتتەيتىن زاڭ جوباسىن ازىرلەۋگە ۇسىنىس جاساعان. بىراق اتالمىش زاڭ ەكس-پرەزيدەنت المازبەك اتامباەۆقا اسەر ەتپەيدى. ەكس-پرەزيدەنتتەردى جاساعان قىلمىسى ءۇشىن جاۋاپكەرشىلىككە تارتۋ الدا سايلاناتىن پرەزيدەنتتەرگە ارنالعان.

“The Qazaq Times”