كرەملدە رەسەي پرەزيدەنتىنىڭ يناۋگۋراتسياسى وتەدى

حالىقارالىق جانە رەسەيلىك اگەنتتىكتەر ۆلاديمير پۋتين 7 مامىردا دۋماعا پرەمەر-مينيستر كانديداتۋراسىن ۇسىنادى دەپ حابارلادى.

بۇعان دەيىن اگەنتتىكتەر ءپۋتيننىڭ جۇرتقا كەدەرگى كەلتىرمەس ءۇشىن كورتەجبەن ءجۇرۋ داستۇرىنەن باس تارتقانىن جازعان. 2012 جىلعى 7 مامىردا پۋتين پرەزيدەنت بولىپ ءۇشىنشى رەت سايلانعان. سول كەزدە ول كوشەلەردى جاۋىپ تاستاپ، ۇكىمەت ۇيىنەن كرەملگە دەيىن كولىكپەن بارعان.

5 مامىردا ۆلاديمير ءپۋتيننىڭ 4 پرەزيدەنتتىك مەرىمىزگە سايلانۋىنا قارسى رەسەيدىڭ كوپتەگەن قالالارىندا "ول بىزگە پاتشا ەمەس" دەگەن ۇرانمەن نارازىلىق شاراسى ءوتتى. "وۆد-ينفو" دەرەگىنشە، نارازىلىق كەزىندە 27 قالادا مىڭ جارىمنان استام ادام ۇستالعان. كەيىن پوليتسيا ولاردىڭ ءبىرازىن بوساتقان. ال قامالعانداردىڭ كەيبىرىنە قىلمىستىق ءىس قوزعالۋى مۇمكىن.

"لەۆادا-تسەنتر" زەرتتەۋ ورتالىعىنىڭ الەۋمەتتانۋشىلارى جۇرگىزگەن ساۋالناماعا قاتىسقان تۇرعىنداردىڭ 47 پايىزىنىڭ پىكىرىنشە، ۆلاديمير ءپۋتيننىڭ بيلىككە كەلۋى "رەسەيگە ۇلى دەرجاۆا ستاتۋسىن" قايتارادى. ساۋالناماعا قاتىسقان رەسەيلىكتەردىڭ 45 پايىزى پۋتين "الەۋمەتىك ماسەلەلەردى شەشە الماي وتىر" جانە "كىرىستى دۇرىس بولمەيدى" دەگەن. تاعى ءبىر توپ جالاقى مەن زەينەتاقىنى كوتەرگەنىن قالايدى. الەۋمەتتانۋشىلار 2015 جىلمەن سالىستىرعاندا، پۋتينگە سەنەتىندەر سانى ازايىپ بارا جاتقانىن ايتادى.

“The Qazaq Times”