فوتو: راديو سۆوبودا

رەسەي حالقى ۆلاديمير ءپۋتيننىڭ يناۋگۋراتسياسىنا ەكى كۇن قالعاندا جاپپاي ەرەۋىلگە شىقتى – دەپ حابارلايدى گراني.رۋ اقپارات كوزى.

مامىر ايىنىڭ 5-ءى كۇنى وپپوزيتسيالىق ساياساتكەر الەكسەي ناۆالنىيدىڭ جاقتاستارى پرەزيدەنت ۆلاديمير ءپۋتيننىڭ بيلىگىنە قارسى «ون نام نە تسار» اكتسياسىن وتكىزۋدە. وسى ۋاقىتقا دەيىن قارسىلىق شارالارى ۆلاديۆوستوك، حاباروۆسك، يۋجنو-ساحالينسك، يركۋتسك جانە كومسومولسك-نا-امۋرە قالالارىندا بولعان.

بۇدان بولەك قارسىلىق اكتسيالارى سانكت-پەتەربۋرگ، كەمەروۆا، ريازان، كراسنودار جانە كراسنويارسك قالالارىندا دا ءوتۋى ءتيىس بولعان. الايدا جەرگىلىكتى بيلىك وكىلدەرى اتالمىش قالالارداعى ۇيىمداستىرۋشى بەلسەندى ازاماتتاردى قاماۋعا العان.

ماسكەۋدە «ون نام نە تسار» اكتسياسى جەرگىلىكتى ۋاقىت بويىنشا ساعات 14:00-گە جوسپارلانعان. قارسىلىق شەرۋىنە ششىقپاس بۇرىن ناۆالنىي جاقتاستارىن پۋشكين الاڭىنا قارۋسىز، بەيبىت شەرۋگە شىعۋعا شاقىرعان. ماسكەۋ پروكۋراتۋراسى الەكسەي ناۆالنىيعا زاڭسىز شەرۋ وتكىزۋدىڭ تەرىس سالدارلارى بولۋى مۇمكىن ەكەندىگىن ايتىپ ەسكەرتۋ جاساعان. شاھار اكىمشىلىگى ناۆالنىيعا قارسىلىق اكتسياسىن وتكىزۋگە رۇقسات بەرمەگەن.

“The Qazaq Times”