وڭتۇستىك كورەيا كحدر-عا قارسى پسيحولوگيالىق سوعىسىن توقتاتتى – دەپ حابارلايدى رەنحاپ اقپارات اگەنتتىگى.

وڭتۇستىك كورەيا قورعانىس مينيسترلىگى تاراتقان مالىمەت بويىنشا، وڭتۇستىك پەن سولتۇستىك اراسىندا وتەتىن سامميت كەزىندە شەكارالىق ايماقتارداعى كحدر-عا قارسى باعىتتالعان پورپاگاندالىق سارىنداعى دىبىس كۇشەيتكىشتەردەن تارايتىن بارلىق پسيحولوگيالىق شابۋىلدار توقتاتىلادى. بۇدان بولەك ۆەدومستۆا تاراتقان مالىمدەمەدە: «ءبىز بۇل شارالار ەكى ەلدىڭ ءبىر-بىرىنە قارسى  باعىتتاعان پروپاگاندالىق شابۋىلدارىنىڭ اياقتالۋىنا الىپ كەلەدى دەپ ۇمىتتەنەمىز» - دەلىنگەن.

ەستەرىڭىزگە سالايىق، وڭتۇستىك كورەيا كحدر-عا قارسى «پسيحولوگيالىق سوعىسىن» 2015 جىلى باستاعان. «پسيحولوگويالىق  سوعىستىڭ» ءبىر بولىگىنە شەكارالىق ايماقتاردا كيم جوڭ ۋن بيلىك جۇيەسىن سىنايتىن راديو باعدارلامالار جۇرگىزۋ ەنگەن. وڭتۇستىك كورەيا اسكەرى كۇنىنە ءتورت-بەس ساعاتتان دىبىس كۇشەيتكىش ارقىلى اتالمىش باعدارلامالاردى ناسيحاتتاعان.

“The Qazaq Times”