شابۋىل جاساعان ايەل ناسيم اگدام. فوتو: worldbulletin.net

اقش پوليتسەيلەرى كاليفورنيا شتاتىنا قاراستى سان-برۋنو قالاسىنداعى "You Tube" شتاب-پاتەرىنە شابۋىل جاساعان ادامنىڭ 39 جاستاعى ناسيم اگدام ەكەنىن جاريالادى. ونىڭ كىم ەكەنىن، وسى قىلمىستى جاساۋىنا نە يتەرمەلەگەنىن، ونىڭ ارتىندا كىمدەردىڭ تۇرعانىن انىقتاۋعا كىرىسكەن اقش اقپارات قۇرالدارى الەۋمەتتىك جەلى ارقىلى زەرتتەۋلەر جۇرگىزگەن.

ولار اگدامعا تيەسىلى 2009 جىلى ۇيىمداستىرىلعان جانە ءۇي حايۋاندارىنىڭ اسكەري جاتتىعۋلار ءۇشىن پايدالانۋىنا قارسىلىق كورسەتكەن بەينەجازبادان سۋرەتتەر جاريالادى. اگدامنىڭ ينستاگرام جەلىسىندەگى ەكى بولەك پاراقشاسىندا بارلىعى 71 مىڭ 100 وقىرمانى بار ەكەن. ال فەيسبۋكتاعى وقىرماندار سانى 1.695-كە جۋىق.

وقيعادان كەيىن ءوزىن-ءوزى اتىپ تاستاعانى تۋرالى حابارلانعان ايەل، الەۋمەتتىك جەلىدە كوبىنەسە اعىلشىن، پارسى جانە تۇرىك تىلدەرىندە الەمدىك دەڭگەيدەگى تانىمال ءىرى الەۋمەتتىك جەلىلەردى سىناعان. "You Tube" جانە "ينستاگرام" سياقتى ءتۇرلى الەۋمەتتىك جەلىدە ءوز پاراقشالارى بار اگدامنىڭ ۆەگەتاريان ەكەنى، سونىمەن قاتار ادام قۇقىقتارى جونىندەگى ماسەلەدە اسا بەلسەندى بولعانى نازار اۋدارتادى. اگدام، ەڭ ءىرى الەۋمەتتىك جەلىسىن وزىنە تيەسىلى "You Tube" كانالىندا جاساعان بەينەجازباسىنا شەكتەۋ جاسالادى دەپ سىناعان. ول ءبىر جازباسىندا: "You Tube بولسىن، باسقا جەلىلەردەگى جازبا نەمەسە بەينەجازبالار بولسىن تەڭ دارەجەدە وڭدەلىپ، شىعارىلمايدى. ءسىزدىڭ بەينەجازبالارىڭىز تەك ولار قالاسا عانا جاريالانادى" دەگەن.

“The Qazaq Times”