فوتو: nytimes.com

اقش-تىڭ تانىمال باسىلىمى "New York Times" وسىنداي تاقىرىپپەن تۇركيا پرەزيدەنتى رەجەپ تايىپ ەردوعاننىڭ ءتۇرلى جيىنداردا ايتقان سوزدەرىن تالقىلاعان كولەمدى ماقالا جاريالادى.

اتالعان باسىلىمنىڭ ءتىلشىسى كارلوتتا گالل جازعان ماقالادا: "تۇركيا پرەزيدەنتى ەردوعان اپتا سايىن كۇنىنە ءۇش رەت، ال اپتا سوڭىندا ەكى رەت حالىققا ۇندەۋ جولدايدى.  وتە اسەرلى ءارى حالىقتى جاماندىقپەن كۇرەسۋگە شاقىرعان سوزدەرى ونىڭ جەتىستىككە جەتۋ جولىنداعى ەڭ باستى قۇرالى. ول دەموكراتيا جاقتاستارىنا "قورقاق" دەيدى، ال گەرمانيا سىرتقى ىستەر ءمينيسترىن "بالەقور" دەپ مازاق ەتەدى. باسەكەلەستەرىنىڭ ەسىمدەرىن حالىق الدىندا جەكە-جەكە اتاپ، باسقاشا كورسەتەدى", - دەلىنگەن. ماقالادا 15 جىلدان بەرى بيلىك باسىندا جۇرگەن ەردوعاننىڭ "باسەكەلەستەرىنىڭ بويىنان تابىلا بەرمەيتىن" وتە ۇتىمدى شەشەندىك سوزدەرىمەن وسى جىلى وتەتىن سايلاۋدا تاعى دا جەڭىسكە جەتۋدى كوزدەيتىنى، اقپارات بەتتەرىندە وتە ءجيى كورىنۋىنىڭ دە ءوزىنىڭ ءاردايىم جۇرتتىڭ نازارىندا بولۋى ءۇشىن جاسالاتىنى كەڭىنەن تالقىلانعان. سونىمەن قاتار، ەردوعاننىڭ كەزىندە العان ءدىني ءبىلىمىنىڭ ارقاسىندا ۋاعىز ايتىپ، مۇحاممەد پايعامبارىمىزدىڭ (س.ا.س.) ومىرىنەن مىسالدار كەلتىرىپ سويلەۋ ارقىلى ىشكى ساياساتتا دا كوپ جەتىستىككە جەتىپ جۇرگەنى سىنالعان.

“The Qazaq Times”