ساۋدا ورتالىقتارىنداعى قوسىمشا قاۋىپسىزدىك شارالارى مەن ادامدار كوپ جينالاتىن ورىندار تۋرالى استانا اكىمدىگىندە تالقىلاندى. جيىن بارىسىندا استاناداعى ساۋدا ويىن-ساۋىق ورتالىقتارىنداعى ورتكە قارسى قاۋىپسىزدىك قالالىق اكىمدىگىنىڭ ۇنەمى باقىلاۋىندا ەكەندىگى ايتىلدى، دەپ حابارلادى اكىمدىكتىڭ ءباسپاسوز قىزمەتى.
استاناداعى توتەنشە جاعدايلار جونىندەگى دەپارتامەنتتىڭ مالىمەتىنشە، ەسەپتە تاۋەكەل دەڭگەيى جوعارى نىسانعا جاتاتىن 117 ساۋدا نىسانى بار، ونىڭ 83-ءى ساۋدا ءۇيى، 9 - ساۋدا ويىن-ساۋىق ورتالىعى، 25-ءى بازار.
مالىمەتكە قاراعاندا 2017 جىلى ەرەكشە تارتىپپەن 46 تەكسەرۋ جۇرگىزىلگەن. تەكسەرۋ بارىسىندا كوشىرۋ جولدارىنىڭ جاعدايى، جارىق بەرۋشى ەلەكتر جەلىلەرى مەن قۋات كوزدەرىنىڭ جاي-كۇيى، ءورتتى بايقايتىن اۆتوماتتى جۇيەنىڭ تۇزەتۋ جاعدايى، ىشكى جانە سىرتقى ورتكە قارسى سۋ جابدىعى مەن ەڭ ءبىرىنشى ءورت ءسوندىرۋ قۇرالدارىنىڭ دايىن بولۋىنا باسا ءمان بەرىلگەن.
"9 وسو-نىڭ 6-ۋى تەكسەرىلدى. ءۇش ورتالىقتان 32 ەرەجە بۇزۋشىلىق انىقتالعان. اكىمشىلىك جاۋاپكەرشىلىككە 3 ادام تارتىلىپ، ايىپپۇل سالىندى. 2 وسو-دا اۋديت جۇرگىزىلدى، ال 1 نىسانعا (Mega Silk Way Astana) تەكسەرۋ وسى جىلى جاسالادى", - دەلىنگەن حابارلامادا.
ايتا كەتەيىك، 25 ناۋرىز كۇنى رەسەيدىڭ كەمەروۆو قالاسىندا "زيمنيايا ۆيشنيا" ساۋدا-ويىن-ساۋىق ورتالىعىندا شىققان ورتتەن 64 ادام وپات بولدى، ونىڭ 50 پايىزى بالالار. دەرەكتەرگە قاراعاندا ءورت عيماراتتىڭ ءتورتىنشى قاباتىندا، كينوتەاتر ماڭىنان شىققان. ال بالالاردىڭ كوپشىلىگى "شەرلوك گنومس" ءمۋلتفيلمىن تاماشالاۋعا كەلگەن.
وسىدان سوڭ قازاقستانداعى ويىن-ساۋىق ورتالىقتارىنىڭ ءورت قاۋىپسىزدىگىنە سەنبەۋشىلەردىڭ سانى ارتتى. الايدا باق وكىلدەرى رەسمي وكىلدەردەن ورتالىقتاردىڭ قاۋىپسىزدىگە قاتىستى ناقتى اقپارات الا الماعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى