فوتو: Tass

رەسەي قورعانىس مينيسترلىگىنىڭ حابارلاۋىنشا، ءسۇريادا اپاتقا ۇشىراعان ان-26 ۇشاعىندا 39 ادام بولعان.

قورعانىس مينيسترلىگى ازىرگە قازا تاپقانداردىڭ اتى-ءجونىن جاريالامادى. Mash تەلەگرام-كانالىنىڭ مالىمەتىنشە، رەسەي اۋە-عارىش كۇشتەرىنىڭ 6-ارمياسىنا تيەسىلى ان-26 ۇشاعى الەپپودان حمەيميمگە ۇشقان. اۋە كەمەسىندە جولاۋشىلار دا بولعان.

"ۇشاق حمەيميم اەرودرومىنا قونار كەزدە اپاتقا ۇشىرادى. بورتتا 33 جولاۋشى جانە ەكيپاجدىڭ التى مۇشەسى بولعان", – دەپ حابارلايدى رەسەي قورعانىس مينيسترلىگى. وندا سونىمەن بىرگە رەسەيلىك اسكەري قىزمەتكەرلەر بار.

رەسەي تەرگەۋ كوميتەتى ۇشاق اپاتىنا بايلانىستى قىلمىستىق ءىس قوزعاعان.

2018 جىلدىڭ اقپان ايىندا يدليب پروۆينتسياسىندا رەسەيلىك سۋ-25 شابۋىلداۋشى ۇشاعى اپاتقا ۇشىرادى. ۇشقىش رومان فيليپوۆ جەرگە قونىپ، بىراق قۇرلىقتاعى ۇرىس كەزىندە قازا تاپتى.

“The Qazaq Times”