قىتايداعى تانىمال قازاق اقىنى زاداقان مىڭباي ومىردەن ءوتتى

قازاق پوەزياسى تاعى ءبىر اۋىر قازاعا ۇشىرادى. قىتاي قازاقتارىنان شىققان تانىمال اقىن، قابىرعالى قالامگەر زاداقان مىڭباي ومىردەن ءوتتى.

زاداقان مىڭباي 1939 جىلى قحر، شۇار، تارباعاتاي ايماعى، ءدوربىلجىن اۋدانى، قاراكەمەل اۋىلىندا ومىرگە كەلگەن. 1955 جىلى بايىرعى شىڭجاڭ ينستيتۋتىنىڭ ءتىل ادەبيەت فاكۋلتەتىنە وتقۋعا تۇسكەن.

جاس اقىن العاش اتاقتى كومپوزيتور مالىك ءجۇنىسۇلى مۋزىكاسىن جازىپ تاراتقان، «ەلەكتر» ءانى ارقىلى ەلگە تانىلعان. 1960- 1980 جىلدارى سولاقاي ساياساتتىڭ كەسىرىنەن قاقپاي كورىپ، ءباسپاسوز ۇقىعىنان ايرىلعان. «كوكەيتەستى» اتتى ولەڭ-داستاندار جيناعى، «ماحاببات قۇرباندارى» اتتى داستانى (بىرلەسپە جيناق)  «بەتپە-بەت» اتتى ولەڭدەر جيناعى، «دالا زاڭى» اتتى داستاندار جيناعى باسپادان شىققان. «بەتپە-بەت» جاڭا ءداۋىر ادەبيەتى ۇزدىك شىعارما سىيلىعىنا، «دالا زاڭى» قىتاي از ۇلتتار ادەبيەتى ۇزدىك شىعارماسى سىيلىعىنا يە بولعان. 1984 جىلى «التىن قانات» باللاداسى شىڭجاڭ ۇيعىر اۆتونوميالى ولكەلىك بالالار ادەبيەتى سىيلىعىن العان.

“The Qazaq Times”