ەۋروپالىق سوت ۋكراينا ەگەمەندىگىنە قول سۇققانى ءۇشىن رەسەيگە قارسى سانكتسيانى تاعى التى ايعا ۇزارتتى. شەكتەۋ شارالارى 2018 جىلدىڭ 31 شىلدەسىنە دەيىن جالعاسادى، دەپ حابارلايدى وراتىلىق ازيا جاڭالىقتار قىزمەتى. 

"بۇل شەشىم بيىل 14 جەلتوقساندا فرانتسيا پرەزيدەنتى ماكرون مەن گەرمانيا كانتسلەرى مەركەل ەۋروپالىق كەڭەسكە مينسك كەلىسىمىنىڭ ورىندالۋ بارىسى جايىندا اقپارات بەرگەننەن كەيىن قابىلداندى ", – دەپ جازىلعان ەۋروپالىق سوتتىڭ رەسمي سايتىندا.

باتىس ەلدەرى رەسەيگە قارسى سانكتسيالاردى 2014 جىلى قىرىمدى اننەكسيالاعاننان كەيىن قابىلدادى. سودان بەرى شەكتەۋ مەرزىمىن ۇزارتىپ كەلەدى.

ماسكەۋ بولسا تۇبەكتى رەسەيگە قوسۋىن "تاريحي ادىلەتتىلىك ورناتتىق" دەيدى، ال ۋكراينا شىعىسىنداعى كيكىلجىڭگە ارالاسۋىن تەرىسكە شىعارادى.

“The Qazaq Times”