2017 جىلدىڭ 23-27 قاراشا ارالىعىندا امەريكا قۇراما شتاتىنىڭ نيۋ-يورك قالاسىندا «جەمچۋجنىي نيۋ-يورك» اتتى جاس انشىلەردىڭ حالىقارالىق بايقاۋى ءوتتى.

الماتى قالاسىنان بايعاۋعا «بوزتورعاي» قوعامدىق قورىنىڭ جەتەكشىسى قارلىعاش ابدىكارىموۆانىڭ«سەنىم» ۆوكالدى ءانسامبلى قاتىستى. انسامبل  جەتەكشىلەرى تۇرسىن كۋدەرينا، ولگا رەزيننىڭ قولداۋلارىمەن جاس ءانشى تالانتتارى بايقاۋدا بىرنەشە جۇلدەلى ورىندارعا يە بولدى.

باس جۇلدەنى مادينا احمەتوۆا (استانا قالاسى), ايدانا كوزىباەۆا (الماتى قالاسى)يەلەنسە، ال ءبىرىنشى ورىندى ۇلاسبەك اميركانوۆ (الماتى قالاسى) يەلەندى. سونداي-اق، ەكىنشى ورىن كىشكەنتاي ادينا دانيالوۆا(الماتى)الدى.

اقش-تىڭ نيۋ-يورك قالاسىندا وتكەن بۇل بايقاۋدى ۇيىمداستىرۋشى پراگما ارت توبى. توپتىڭ پرەزيدەنتى كەترين مەري. بايقاۋعا قاتىسۋشى جاس ءانشى تالانتتاردىڭ قۋانىشتارىندا شەك جوق ءارى انشىلەردىڭ باس جۇلدە مەن 1-ءشى جانە 2-ءشى ورىندى يەلەنۋى نۇر ۇستىنە نۇر بولىپ وتىر.

“The Qazaq Times”