اقش-وڭتۇستىك كورەيا كورەي تۇبەگىندە جاڭا اسكەري دەمونستراتسياعا دايىندالۋدا

اقش قورعانىس تاراۋلارى تاراتقان مالىمەتكە قاراعاندا، اقش پەن وڭتۇستىك كورەيا كەلەسى ايدا كورەي تۇبەگىندەگى بىرلەسكەن اسكەري وقۋ-جاتتىعۋىن وتكىزبەك، جاتتىعۋعا ەكى ەلدەن جۇزدەن اسا سوعىس ۇشاقتارى قاتىسادى. بۇل سولتۇستىك كورەيانى رايىنان قايتارۋعا باعىتتالعان جاڭا اسكەري دەمونستراتسيا سانالادى. بۇل تۋرالى «WSJ» باسىلىمى حابارلادى.

اقش اسكەري اۋە كۇشتەرىنىڭ مالىمدەمەشىسى ميچەل كلوففلەر-حۋارد جۇما كۇنى جاساعان مالىمدەمەسىندە: «اسكەري جاتتىعۋ 4-8 جەلتوقسان ارالىعىندا وتەدى. جاتتىعۋعا اقش اۋە كۇشتەرى، تەڭىز ارمياسىنىڭ قۇرلىق قوسىنى، تەڭىز اسكەري كۇشتەرىنەن جالپى 12 مىڭ جاۋىنگەر، وعان قوسا اقش پەن وڭتۇستىك كورەيانىڭ 230 ۇشاعى قاتىسادى»، –دەدى.

اقش پەن وڭتۇستىك كورەيانىڭ بۇل رەتكى اسكەري قادامى تۇبەك جاعدايى ءۇشىن تىم سالماقتى. جاتتىعۋعا قاتىساتىن سوعىس ۇشاقتارى مەن سوعىس كەمەلەرى دە ەكى ەلدىڭ تۇتاس ارمياسىنا وكىلدىك ەتە الادى. F-22 جانە F-35 سوعىس ۇشاقتارىنىڭ ءوزى ستراتەگيالىق تۇرعىدا سولتۇستىك كورەيانى الاڭداتپاي قويمايدى. وسىعان دەيىن اقش پەن وڭتۇستىك كورەيانىڭ بىرلەسكەن جاتتىعۋىن توقتاتۋ ارقىلى سولتۇستىك كورەيانىڭ يادرولىق باعدارلاماسىن توقتاتىپ كەلىسسوزگە كەلتىرۋ تۋرالى كوپ ەلدىڭ كۇتكەن ءۇمىتى سەلگە كەتتى.

“The Qazaq Times”