«يسلام مەملەكەتى» لاڭكەستىك ۇيىمى قۇرباندارىنىڭ جاپپاي جەرلەنگەن ورنى تابىلدى

يراكتىڭ سولتۇستىك بولىگىنەن "يسلام مەملەكەتى" لاڭكەستىك ۇيىمى قۇرباندارىنىڭ جاپپاي جەرلەنگەن ورنى تابىلدى. اتالعان مەكەندى قازۋ كەزىندە 400-گە جۋىق ادام سۇيەگى ءبىر ورىنعا كومىلگەنى انىقتالدى. قۇربانداردىڭ ۇستىندە تۇتقىنداردىڭ كيىمى بولعان. بۇل تۋرالى ءال-جازيرا اقپاراتتىق اگەنتتىگى جازدى. 

جاپپاي جەرلەۋ ورنى كيركۋك قالاسىنان 45 كم قاشىقتىقتا ورنالاسقان "يسلام مەملەكەتى" لاڭكەستىك ۇيىمىنىڭ نەگىزگى تىرەكتەرىنىڭ ءبىرى حاۆيجا قالاسىنىڭ ماڭىنان تابىلعان. يراك اسكەرى اتالعان قالا مەن وعان ىرگەلەس اۋماقتاردى تەررورشىلاردىڭ قولىنان قازان ايىندا ازات ەتتى.

ءال-جازيرانىڭ يراكتاعى ءتىلشىسىنىڭ حابارلاۋىنشا، "يسلام مەملەكەتى" لاڭكەستىك ۇيىمى ءوز بيلىگىنە قارسى ادامداردى تۇرمەگە جاۋىپ، كوزىن جويىپ وتىرعان. جۋىردا Associated Press اقپاراتتىق اگەنتتىگى ءسۇريا مەن يراكتا لاڭكەستىك ۇيىمنىڭ جالپى سانى 72 تۇتقىنداردى جەرلەۋ ورنى بار ەكەنىن جازعان بولاتىن. قازىر فوتوسۋرەتتەر مەن سۇحباتتار ارقىلى سولاردىڭ 17-ءنىڭ مەكەن-جايى انىقتالدى.

“The Qazaq Times”