قىرعىزستان پرەمەرى ساپار يساكوۆ قازاق بيلىگىن قاتاڭ سىنعا الدى

قىرعىزستان پرەمەر-ءمينيسترى ساپار يساكوۆ قازاقستان بيلىگىن قاتاڭ سىنعا الدى.

بۇگىن تاشكەنت قالاسىندا ءوتىپ جاتقان تمد ەلدەرى ۇكىمەت باسشىلارىنىڭ كەزەكتى وتىرىسىندا قىرعىزستان پرەمەر-ءمينيسترى ساپار يساكوۆ قازاق-قىرعىز شەكاراسىنداعى داۋعا بايلانىسىتى مالىمدەمە جاسادى. ول وندا: «قازىرگى تاڭدا تمد ايماعىندا ەركىن ساۋدا ايماعى جايىندا ءسوز قوزعاۋ وتە قيىن. ويتكەنى كەيبىر مەملەكەتتەر ەركىن تاۋار تاسىمالى تالاپتارىن ورىنداماي وتىر. كۇن سايىن قازاق-قىرعىز شەكاراسىندا 500-600-گە جۋىق جۇك كولىگى قازاقستانعا وتە الماي 5-6 ساعاتتاپ تۇرادى. قازاقستان تاراپى بۇل جاعدايدى ءار ءتۇرلى تۇسىندىرەدى. مىسالى ولار بۇنى كونتراباندامەن كۇرەس دەپ تۇسىندىرەدى. شەكارادان وتە الماي تۇرعان قىرعىزستان جەرىندە وسىرىلگەن اۋىل شارۋاشىلىعى ونىمدەرىن كونتراباندا دەپ اتاۋعا بولا ما؟ مۇمكىن قازاقستان ارقىلى رەسەيگە بەت العان 80 پايىز تاۋاردىڭ بارلىعى كونتراباندا شىعار؟ بۇنداي قولدان جاسالعان كەدەرگىلەر ەاەو زاڭدارىنا قايشى ءارى بيزنەسمەندەرگە قارجىلاي قيىندىقتار تۋعىزادى» - دەگەن.

ءوز كەزەگىندە قازاق پرەمەر-ءمينيسترى باقىتجان ساعانتاەۆ: «قىرعىزستان تاراپىنىڭ بۇنداي مالىمدەمەلەرى شىندىققا جاناسپايدى. ءبىز بارلىعىن زاڭ اياسىندا جاساپ وتىرمىز جانە ءبىز بۇل ماسەلەنى شەشۋدە قىرعىز ەلىنە بىرنەشە تالاپتار قويعانبىز. قازاقستان اتالمىش ماسەلە بويىنشا، كەلىسسوزدەر جۇرگىزۋگە دايىن» - دەگەن.

ەستەرىڭىزگە سالايىق، بۇعان دەيىن قازاقستان پرەمەر-ءمينيسترى باقىتجان ساعىنتاەۆ قىرعىزستان كەدەن قىزمەتىن ەاەو ەلدەرىنە جالعان اقپارات بەرۋدە دەپ ايىپتاعان بولاتىن. ونىڭ سوزىنشە، قىرعىز بيلىگى ەلگە قىتايدان كەلەتىن تاۋار كولەمىن ءۇش ەسە از كورسەتكەن.

“The Qazaq Times”