فوتو: pharma.net.ua

ەندى مەديتسينالىق ۇيىمداردى قاجەتتى قۇرىلعىلارمەن قامتاماسىز ەتۋ ينۆەستورلاردىڭ، ليزينگتەردىڭ، مەملەكەتتىك-جەكەمەنشىك سەرىكتەستەردىڭ ەسەبىنەن بولادى. بۇل تۋرالى قر پرەمەر ءمينيسترىنىڭ ورىنباسارى ەربولات دوساەۆ مالىمدەدى. 

پارلامەنت ءماجىلىسىنىڭ پلەنارلى وتىرىسىندا دەپۋتاتتار ۇكىمەت مۇشەلەرىنە وسى جىلدىڭ بيۋدجەتىندەگى مەديتسينالىق تەحنيكالاردى ساتىپ الۋعا ارنالعان 10 ملرد تەڭگە نەلىكتەن جۇمسالماعانىن سۇرادى. بۇعان دوسەۆ "قازاقستان مۇنداي تاجىريبەدەن تولىق باس تارتۋدى جوسپارلاپ وتىر" دەگەن جاۋاپ قايىردى.

"قازىرگى ۋاقىتتا ساتىپ الىنعان مەديتسينالىق تەحنيكالاردىڭ پايدالانىلۋىنا قاتىستى رەۆيزيا جۇرگىزىلۋدە. بۇدان بۇرىن قىمبات جابدىقتارعا كوپ اقشا جۇمسالدى، بىراق قازىرگى كەزدە ولار ءبىر سەبەپتەرمەن تولىقتاي پايدالانىلماي نەمەسە جۇمىس ىستەمەي تۇر. سوندىقتان، كەلەسى ءۇش جىلداعى بيۋدجەتتە مۇنداي جابدىقتاردى ساتىپ الۋعا قاراجات قاراستىرىلماعان", - دەدى دوساەۆ.

ونىڭ سوزىنشە، 2018 جىلدان باستاپ جەرگىلىكتى اكىمدىكتەر اۋتسورسينگ وتكىزۋگە،  مەديتسينا قۇرىلعىلارىن ساتىپ الۋدى مەملەكەتتىك جەكە سەرىكتەستەردىڭ قولىنا بەرۋگە دايىن ەكەن.

"بۇدان بولەك ليزينگ دامي تۇسەدى. كوپتەگەن ءىرى كومپانيالار ليزينگ قاعيداتى بويىنشا مەديتسينا قۇرىلعىلارىن جەتكىزىپ بەرۋگە دايىن جانە وسى جۇمىس جانداناتىن بولادى. ءبىز ءبىر رەت قولدانىلاتىن قۇرالدارعا قاراجات جۇمساۋدان باس تارتىپ وتىرمىز. سەبەبى ولار تەحنيكالىق تۇرعىدان تەز ەسكىرىپ كەتەدى. سوندىقتان ءبىزدىڭ اۋرۋحانالارعا قاجەتتى قۇرالداردى جاڭا شارتتارمەن جەتكىزىپ بەرۋگە مۇمكىندىگىمىز بولۋ كەرەك: ول نە جە بيزنەس، نە ليزينگ نەگىزىندە", - دەدى پرەمەر ءمينيستردىڭ ورىنباسارى.

“The Qazaq Times”