فوتو: the-american-interest.com

رەسەي قازاقستاننىڭ لاتىن الىپبيىنە كوشۋىنە بايلانىستى ءوز كوزقاراسىن ءبىلدىردى.

رف سىرتقى ىستەر ءمينيسترىنىڭ ورىنباسارى گريگوري كاراسين «رەسەي-24» تەلەارناسىنا بەرگەن سۇحباتىندا رەسمي استانانىڭ لاتىن الىپبيىنە كوشۋگە بايلانىستى قابىلداعان شەشىمىنە پىكىر بىلدىرگەن. ول وندا: «ءبىز بۇعان قالىپتى جاعداي رەتىندە قارايمىز. قالاي دەگەندە دە بۇل قازاقستاننىڭ ىشكى ساياساتى. ءبىزدىڭ وعان ارالاسۋعا قۇقىعىمىز جوق. الداعى ۋاقىتتا ءبىز قازاقستانمەن اراداعى قارىم-قاتىناسىمىزدى نىعايتا بەرەتىن بولامىز. قازاقستان لاتىن الىپبيىنە وتسە دە ءبىز ورىس ءتىلىن لاتىن ءالىپبيى نەگىزىندە پايدالانۋدى ويلاستىراتىن بولامىز» - دەگەن.

بۇعان دەيىن رەسەيدىڭ قازاقستانداعى ەلشىسى ميحايل بوچارنيكوۆ لاتىن ءالىپبيى جايىنداعى مالىمدەمەسىندە: «قازاقستان ورىس ءتىلىن رەسمي ءتىل رەتىندە اتا زاڭىنا بەكىتكەن ساناۋلى مەملەكەتتەردىڭ ءبىرى. رەسەي تاۋەلسىز قازاقستاننىڭ لاتىن الىپبيىنە كوشۋىنە تۇسىنىستىكپەن قارايدى»، - دەگەن بولاتىن.

ەستەرىڭىزگە سالايىق، قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ قازان ايىنىڭ 27-ءسى كۇنى قازاق ءتىلىن كيريلليتسادان لاتىن الىپبيىنە كوشىرۋگە بايلانىستى زاڭ جوباسىنا قول قويعان.

“The Qazaq Times”