اقش پرەزيدەنتى ترامپ. فوتو:The Independent.

قۇراما شتاتتاعى «The Wall Street Journal» باسىلىمى مەن NBC ارناسى ەڭ سوڭعى ساۋالناما ناتيجەسىن جاريالادى. ساۋالناما ناتيجەسى كورسەتكەندەي، اقش پرەزيدەنتى دونالد ترامپتى قولداۋ كورسەتكىشى ونىڭ قىزمەتكە كەلگەننەن بەرگى ەڭ تومەنگى شەككە جەتكەن. بۇل تۋرالى اتالعان اقپارات كوزدەرىنىڭ رەسمي سايتتارىندا جازىلدى.

ساۋالناماعا قاتىسقان امەريكالىقتاردىڭ باسىم كوپشىلىگى ترامپتى وزدەرىنىڭ ليدەرى نەمەسە قانداي دا ءبىر ساياسي ماسەلەنى شەشۋشى ادام رەتىندە مويىنداماعان. بىراق بۇل پىكىردەگىلەردىڭ كوبى دەرلىك ترامپتىڭ ەكونوميكاداعى ۇتىمدى شارالارىن مويىنداعان.

جاڭا ساۋالناما ناتيجەسىنە قارايتىن بولساق، پرەزيدەنت ترامپتى قولداۋ كورسەتكىشى 38 پايىزدى قۇراعان. بۇل قىركۇيەكتەگى ساۋالناماعا قاراعاندا بەس پايىزعا تومەن. جالپى العاندا، رەسپوندەنتتەردىڭ 58 پايىزى ترامپتىڭ اعىمداعى بيلىگىنىڭ ونىمدىلىگىن مويىندامادى.

دەگەنمەن، رەسپۋبليكاشىلداردىڭ 80 پايىزدان استامى ترامپ ۇكىمەتىنىڭ ءونىمدى قىزمەتىن مويىنداپ وتىر. بۇل رەتكى ساۋالناماعا قاراعاندا، ساياسي تاۋەلسىزدەردىڭ ترامپتى قولداۋ كورسەتكىشى كوبىرەك تومەندەگەن. سونداي-اق سايلاۋشىلار بازاسى دا السىرەگەنى بايقالادى.

ايتا كەتەيىك، ساۋالناما 23-26 قازان ارالىعىندا، 900 ازامات قاتىسۋىمەن وتكىزىلگەن.

“The Qazaq Times”