باكۋ قالاسىندا تەررورلىق شاۋبىل جاساماق بولعان كۇدىكتىلەر ۇستالدى

باكۋ قالاسىندا تەررورلىق شابۋىل جاساماق بولعان كۇدىكتىلەر ۇستالدى - دەپ حابارلايدى ازەربايجان ىشكى ىستەر مينيسترلىگى ءباسپاسوز قىزمەتى.

قازان ايىنىڭ 25-ءسى كۇنى باكۋ قالاسى ماڭىنداعى لەكباتون اۋىلىندا ازەربايجان قاۋىپسىزدىك قىزمەتى ارنايى وپەراتسيا وتكىزگەن. وپەراتسيا بارىسىندا 28-ءشى قازان كۇنى باكۋدە وتەتىن بەيبىت شەرۋگە لاڭكەستىك شابۋىل جاساماقشى بولعان كۇدىكتىلەر ۇستالعان. كۇدىكتىلەر لەكباتون اۋىلىندا تۇراتىن باحتياار مامەدساديگوعلى الەكپەروۆتىڭ ۇيىندە قولعا تۇسكەن. تەكسەرۋ كەزىندە الەكپەروۆتىڭ تەررورلىق توپتىڭ باسشىسى ەكەندىگى انىقتالىپ، ونىڭ ۇيىنەن بىرنەشە قولدان جاسالعان جارىلعىش زات تاركىلەنگەن. كەيىنەن كۇدىكتىلەردىڭ 22-ءشى قازان كۇنى اتالمىش جارىلعىش زاتتاردى ءدال وسى لوكباتون اۋىلىندا سىناقتان وتكىزگەندىگى بەلگىلى بولعان.

ەستەرىڭىزگە سالايىق، بۇعان دەيىن جەرگىلىكتى باق وكىلدەرى قازان ايىنىڭ 28-ءى كۇنى باكۋ قالاسىنىڭ ياسامال اۋدانىندا ۇلتتىق كەڭەس بەيبىت شەرۋ وتكىزەدى دەگەن اقپارات تاراتقان بولاتىن. بىراق اتالمىش جاعدايدان كەيىن بۇل شەرۋدىڭ ءوتۋ-وتپەۋى بەلگىسىز.

“The Qazaq Times”