فوتو: APF

تۇركيا پرەزيدەنتى رەجەپ تايىپ ەردوعاننىڭ انكارادا ەۋروپاعا قاتىستى جاساعان مالىمدەمەسى بىرقاتار شەتەلدىك باسىلىمداردىڭ اتىشۋلى تاقىرىپتارىنا اينالدى. ول ءوز سوزىندە: "تۇركياعا ەۋروپا قاجەت ەمەس، ەۋروپاعا تۇركيا كەرەك" دەگەن بولاتىن. بۇل تۋرالى ءال-جازيرا اقپاراتتىق اگەنتتىگى جازدى. 

تۇركيا ەۋرووداققا كىرۋ تۋرالى ءوتىنىشىن العاش رەت 1987 جىلى جاساعان. ول كەزدە قاراستىرىلماي قالعان باستاما 2005 جىلى قايتا جانداندى. ودان بەرى ارادا 12 جىل ۋاقىت وتسە دە، تۇركيا ەۋرووداقتىڭ مۇشەسىنە اينالعان جوق. سوڭعى كەزدەرى ەۋروپا باسشىلارى مەن تۇركيا بيلىگى اراسىنداعى سالقىن قارىم-قاتىناس ونسىز دا ورنىنان قوزعالماي تۇرعان پروتسەستى تاعى دا كەشەۋىلدەتكەنى بەلگىلى. ءتوزىمى تاۋسىلعان بولۋى كەرەك، رەجەپ تايىپ ەردوعان وسىدان بۇرىن "ەۋروپا بىزگە قاتىستى شەشىمىن كەسىپ ايتسىن، ۋاقىتىمىزدى الماسىن!" دەپ اشىق مالىمدەمە جاساپ ەدى.

تۇركيا پرەزيدەنتى سونداي-اق: "ەۋروپا تۇركياسىز وقشاۋلانۋ مەن ازاماتتىق بەيبەرەكەتسىزدىككە ۇشىرايدى. تۇركياعا ەۋروپا كەرەك ەمەس. ونىڭ "سوزىلمالى" ماسەلەلەرىن شەشۋ ءۇشىن وعان ءبىز كەرەكپىز. تۇركيادا قازىر نەو-ۇلتتىق پارتيالار بەلەڭ الىپ كەلەدى. ەۋروپا ءوزى ورناتقان پرينتسيپتەرىن ءوزى قۇلاتىپ جاتىر", - دەدى.

“The Qazaq Times”