شي جينپيڭ قۇرىلتاي وتەتىن "حالىق سارايىنا" كىردى. فوتو; WSJ.

بىرەر ساعات بۇرىن، قىتاي كوممۋنيستىك پارتياسىنىڭ XIX كەزەكتى قۇرىلتايى سول جەردىڭ جەرگىلىكتى ۋاقىتى 9:00 شاماسىندا اشىلدى. كەزەكتى قكپ-نىڭ ۇلتتىق كونگرەسىنىڭ اشىلۋىنان كەيىن قىتاي حالىق رەسپۋبليكاسىنىڭ توراعاسى شي جينپيڭ (سي تسزينپين/Xi Jinping) الداعى بەس جىلدا قىتايداعى ماڭىزدى ساياسي اليانس پەن بيلىككە يە بولادى دەپ كۇتىلۋدە.

شي ءجينپيڭنىڭ ساياساتىنىڭ نەگىزگى ۇستانىمدارىن ورناتقاننان كەيىن، ەكىنشى كەزەڭدە ول پارتيا باسشىلىعىن ودان ءارى نىعايتادى جانە ەڭ جوعارى باسشىلىق قىزمەتىن جالعاستىرادى. شي ءجينپيڭنىڭ الدىنعى بەس جىلدىق وكىلەتتى مەرزىمىندە قىتايدىڭ ەكونوميكالىق قۇلدىراۋى جانە سىرتقى بايلانىستاردىڭ، اسىرەسە، سولتۇستىك كورەيا ماسەلەسى سەكىلدى وڭىرلىك شيەلەنىستەرگە كوبىرەك تاپ بولعانى بايقالادى. ولاي بولسا، وسىنداي ناتيجەمەن شي جينپيڭ بيلىگىن 2022 جىلعا دەيىن جالعاستىرا الا ما؟

بۇدان بۇرىندا بۇل سۇراقتاردىڭ جاۋابى قاراستىرىلعان ەدى. ياعني، بۇگىن باستالعان قۇرىلتايدا ءشيدىڭ پارتياداعى تاريحي ورىنىن كوتەرۋ قولعا الىنۋى مۇمكىن دەلىنگەن. بۇل ونى قىتاي جانە قكپ تاريحىنداعى ماۋ زىدوڭ (ماو تسزەدۋن) مەن دىڭ شياۋپيڭ (دەن سياوپين) قاتارلى تۇلعالارمەن تەڭەستىرۋى مۇمكىن. ال ماۋ زىدوڭ مەن دىڭ شياۋپيڭ بيلىگى وزدەرى كوز جۇمعانعا دەيىن جالعاسقان.

ساراپشىلار پىكىرىنە قارايتىن بولساق،  شي ءجينپيڭدى باسقا پارتيالاردىڭ كوشباسشى ۇستانىمدارىنىڭ نەگىزى رەتىندە تاڭداۋمەن قاتار، XIX قۇرىلتايعا قاتىسقان 2,280 دەلەگات ونىڭ ساياسي تەورياسىن پارتيا كونستيتۋتسياسىنا جازادى. سونىمەن بىرگە ارميانى باسقارۋ قۇقىعى كەڭەيتىلەتىن بولادى. وسىدان بۇرىن دا حابارلاعانىمىزداي، بۇل قۇرىلتاي كورشىلەس قحر-عا از بولماعان ساياسي وزگەرىستەردى الىپ كەلۋى مۇمكىن.

“The Qazaq Times”