Şi Jinpiñ qwrıltay ötetin "Halıq sarayına" kirdi. Foto; WSJ.

Birer sağat bwrın, Qıtay Kommunistik Partiyasınıñ XIX kezekti qwrıltayı sol jerdiñ jergilikti uaqıtı 9:00 şamasında aşıldı. Kezekti QKP-nıñ Wlttıq Kongresiniñ aşıluınan keyin Qıtay Halıq Respublikasınıñ Törağası Şi Jinpiñ (Si Czin'pin/Xi Jinping) aldağı bes jılda Qıtaydağı mañızdı sayasi al'yans pen bilikke ie boladı dep kütilude.

Şi Jinpiñniñ sayasatınıñ negizgi wstanımdarın ornatqannan keyin, ekinşi kezeñde ol partiya basşılığın odan äri nığaytadı jäne eñ joğarı basşılıq qızmetin jalğastıradı. Şi Jinpiñniñ aldınğı bes jıldıq ökiletti merziminde Qıtaydıñ ekonomikalıq qwldırauı jäne sırtqı baylanıstardıñ, äsirese, Soltüstik Koreya mäselesi sekildi öñirlik şielenisterge köbirek tap bolğanı bayqaladı. Olay bolsa, osınday nätijemen Şi Jinpiñ biligin 2022 jılğa deyin jalğastıra ala ma?

Bwdan bwrında bwl swraqtardıñ jauabı qarastırılğan edi. YAğni, bügin bastalğan qwrıltayda Şidiñ partiyadağı tarihi orının köteru qolğa alınuı mümkin delingen. Bwl onı Qıtay jäne QKP tarihındağı Mau Zıdoñ (Mao Czedun) men Dıñ Şyaupiñ (Den Syaopin) qatarlı twlğalarmen teñestirui mümkin. Al Mau Zıdoñ men Dıñ Şyaupiñ biligi özderi köz jwmğanğa deyin jalğasqan.

Sarapşılar pikirine qaraytın bolsaq,  Şi Jinpiñdi basqa partiyalardıñ köşbasşı wstanımdarınıñ negizi retinde tañdaumen qatar, XIX qwrıltayğa qatısqan 2,280 delegat onıñ sayasi teoriyasın partiya Konstituciyasına jazadı. Sonımen birge armiyanı basqaru qwqığı keñeytiletin boladı. Osıdan bwrın da habarlağanımızday, bwl qwrıltay Körşiles QHR-ğa az bolmağan sayasi özgeristerdi alıp kelui mümkin.

“The Qazaq Times”