Alf. فوتو: npm.

الەمدىك اقپارات قۇرالدارىنىڭ حابارىنا قاراعاندا، «الف» (ALF) دەپ اتالعان كيبەرشابۋىلشى اۋستراليانىڭ (اۆستراليا) قورعانىس مەردىگەرىنىڭ كومپيۋتەرىنە باسىپ كىرگەن جانە اقش-تىڭ زاماناۋي قارۋ-جاراق جۇيەسىنىڭ دەرەكتەرىنە ءتورت اي بويى شابۋىلداپ كەلگەنى تۋرالى حابارلادى. بۇل تۋرالى «WSJ» باسىلىمى جازدى.

شابۋىلداۋشى «admin, admin» جانە «guest»، «guest» قۇپيا سوزدەرىنىڭ قاراپايىم تىركەسىمىن قولدانا وتىرىپ، كومپانيا پورتالىنىڭ السىزدىگىن پايدالانىپ دەرەكتەر قورىنا كىرگەن. ءارى جەلى ىشىندە 4 اي بويى ساقتالعان. اۋستراليا جاق بۇل شابۋىلدى «Alf's Mystery Happy Fun Time» دەرەكتەرىنىڭ اعىپ كەتۋى دەپ اتادى. الف بولسا – تانىمال «ۇيدە جانە تۇزدە» (Home and Away) سەريالىنداعى ءساتتى رولدەردىڭ ءبىرى.

اۋستراليالىق اعا وفيتسەرلەردىڭ ءبىرى سارسەنبى كۇنى بۇل وقيعا تۋرالى مالىمدەمە جاسادى. ول سوزىندە بۇل اقش-تىڭ اسكەري جانە مەملەكەتتىك قۇپيا ماتەريالدارىنىڭ وتكەن اپتادان بەرى ءۇشىنشى رەت ۇرلانۋى ەكەنىن اتاپ ءوتتى.

سەيسەنبى كۇنى وڭتۇستىك كورەيا ۇكىمەتىنىڭ رەسمي وكىلى سولتۇستىك كورەيا حاكەرلەرى كيبەرشابۋىل ارقىلى وڭتۇستىك كورەيانىڭ اسكەري دەرەكتەر بازاسىنان ماتەريالدار الىپ كەتكەنى تۋرالى حابارلاعان ەدى. بۇدان سىرت، رەسەي ۇكىمەتى ءۇشىن جۇمىس ىستەيتىن حاكەرلەر اقش-تىڭ سىرتقى كومپيۋتەرلىك جەلىگە قالاي كىرگەندىگى تۋرالى جانە ءوز جەلىسىن قورعاۋ تۋرالى مالىمەتتەردى ۇرلاپ كەتكەنى دە ءمالىم.

اۋستراليا ۇكىمەتى جاعىنان شابۋىلدا حاكەرلەردىڭ يدەنتيفيكاتسياسى مەن اففيليرلەنۋى جاريا ەتىلمەدى، بىراق اۋستراليا تارابى ساراپتاي كەلە حاكەرلىك توپ شەتەلدىك ءبىر ۇكىمەتكە قىزمەت ەتەتىن ارناۋلى توپ دەگەن قورىتىندىعا كەلدى. شابۋىلدىڭ ماقساتىن انىقتاعان شەنەۋنىكتەر بۇل شابۋىلدى قىتاي تارابىنان كەلگەن بولۋى مۇمكىن دەپ قارايدى.

“The Qazaq Times”