ۇلىبريتانيا ساياساتكەرلەرى اقشا ءۇشىن كرەمل ساياساتىن ناسيحاتتاۋدا – دەپ جازدى The Times گازەتى.

باسىلىم مالىمەتىنشە، ۇلىبريتانيا ساياساتكەرلەرى سوڭعى ەكى جىلدا اقشا ءۇشىن رەسەيلىك "RT" تەلەارناسىنىڭ ەفيرىنە ءجيى شىعاتىن بولعان. ماقالا اۆتورىنىڭ ەسەپتەۋى بويىنشا، 2015 جىلى ۇلىبريتانيا مينيسترلەر كابينەتىنىڭ مۇشەلەرى رەسەيلىك تەلەارنالاردىڭ ەفيرىنە 26 رەت شىققان. ال كونسەرۆاتورلار پارتياسىنىڭ مۇشەلەرى رەسەي ارنالارىنىڭ ەفيرىنە شىعىپ قانا قويماي، ول ءۇشىن 1000 فۋنت ستەرلينگ قالاماقى دا الىپ وتىرعان.

The Times گازەتىنىڭ ويىنشا، "RT" تەلەارناسى باسشىلىعى ەفيردەن كورسەتىپ جاتقان ماتەريالدارى سەنىمدى بولىپ كورىنۋ ءۇشىن شەتەلدىك ساراپشىلاردان ءجيى پىكىر الاتىن بولعان. ولاردىڭ بۇل ويلارىن ىسكە اسىرۋعا ەفيرگە اقشا ءۇشىن شىعىپ جۇرگەن ۇلىبريتانيالىق ساياساتكەرلەر كومەكتەسۋدە.

“The Qazaq Times”