موڭعوليانىڭ ەكس-قورعانىس ءمينيسترى تۇتقىندالدى، دەپ حابارلايدى ARD اقپارات اگەنتتىگى.

اگەنتتىك مالىمەتىنشە، موڭعوليانىڭ بۇرىنعى قورعانىس ءمينيسترى ميشيگين سودنومپيل «اسا ءىرى كولەمدە پارا الدى» دەگەن ايىپپەن قاماۋعا الىنعان. ايىپتاۋشى تاراپتىڭ سوزىنشە،  سودنومپيل 2013 جىلى مونعوليا اۋماعىندا قۋاتتىلىعى 348 مۆت بولاتىن «امگالان» جىلۋ ستانتسياسىن سالۋعا بايلانىستى وتكىزىلگەن تەندەردى قىتايلىق كومپانياعا الىپ بەرۋ ءۇشىن ءىرى كولەمدە پارا العان. موڭعوليا جەمقورلىققا قارسى قىزمەتىنىڭ تاراتقان اقپاراتى بويىنشا، قىتايلىق كومپانيا تەندەردى ميشيگين ءسودنومپيلدىڭ كومەگىمەن ۇتىپ العان.

ميشيگين سودنومپيل 1965 جىلى موڭعوليانىڭ  تەس ۋۆس ايماعىندا دۇنيەگە كەلگەن. ول 2004 جىلى پارلامەنت دەپۋتاتى، 2006 جىلى قورعانىس ءمينيسترى، 2013 جىلى ەنەرگەتيكا ءمينيسترى قىزمەتتەرىن اتقارعان. سودنومپيل ءدال وسى ەنەرگەتيكا ءمينيسترى بولىپ تۇرعان كەزىندە قىتايلىق كومپانيادان پارا العان.

“The Qazaq Times”