فوتو عالامتور بەتتەرىنەن الىندى.

كانادادا "زاڭداستىرىلعان سۋيتسيد" قىزمەتىن پايدالانۋشىلار سانى ارتىپ كەلەدى. بۇل دەگەنىمىز قاتەرلى ىسىكتىڭ اسقىنعان دارەجەسى سياقتى اۋىر دەرتى بار ادامدار ءوز كەلىسىمىمەن،  ومىرىن قيۋ ءۇشىن دارىگەردىڭ كومەگىنە جۇگىنۋ. بۇل تۋرالى APF اقپاراتتىق اگەنتتىگى جازدى. 

كانادا ءسۋيتسيدتىڭ مۇنداي ءتۇرىن 2016 جىلدىڭ ماۋسىم ايىندا زاڭداستىرعان بولاتىن. Health Canada مالىمەتىنشە، وسى جىلدىڭ ماۋسىم ايىنا دەيىن، ءبىر جىلدىڭ كولەمىندە جازىلمايتىن دەرتى بار 1 مىڭ 882 ادام اتالعان قىزمەت ءتۇرىن پايدالانىپ، دارىگەرلەردىڭ قولىنان كوز جۇمعان.

ءوزىنىڭ تارتقان ازابىنىڭ سوڭعى نۇكتەسىن قويىپ، جاقىندارىنىڭ ءومىرىن جەڭىلدەتۋدى قالايتىندار رەسمي رۇقساتىن بەرگەننەن كەيىن، ارنايى ەكپە جاسالىپ، از ۋاقىتتىڭ ىشىندە ناۋقاس جان تاپسىرادى.

كانادادا بەلەڭ الىپ كەلە جاتقان ءسۋيتسيدتىڭ رۇقسات ەتىلەتىن جاعدايلارى تۋرالى بولىمگە  انورەكسياعا شالدىققاندار مەن وزگە دە اۋىر سانالاتىن بىرقاتار دەرتتىڭ ازابىن ارقالاعانداردى قوسۋدى سۇراپ، باستاما كوتەرگەندەر دە جوق ەمەس. كانادالىق ەپيسكوپتار ءوز-وزىنە قول جۇمساعانداردىڭ جەرلەۋ راسىمدەرىن ورىنداۋدان باس تارتىپ وتىر.

“The Qazaq Times”