فرانتسيا پارلامەنتى تەرروريزمگە قارسى جاڭا زاڭ قابىلدادى

فرانتسۋز ەلىنىڭ پارلامەنتى جاڭا زاڭ قابىلداپ، تەرروريزممەن كۇرەستى ارتتىردى. 2015 جىلى 13 قاراشادا بولعان تەررورلىق شابۋىلدان بەرى قاراي ەلدە توتەنشە جاعداي ساقتالىپ كەلەدى. جاڭا زاڭ توتەنشە جاعداي اياقتالعاننان كەيىن كۇشىنە ەنەتىن بولادى. بۇل تۋرالى «تۇرىك تەلە-راديو» قىزمەتىنىڭ رەسمي سايتى جازدى.

اتالعان جاڭا زاڭ جوباسى بويىنشا بۇرىن قۇقىق قورعاۋ جانە قاۋىپسىزدىك سالاسىنىڭ قۇزىرىنداعى ىستەر ەندىگى جەردە جەرگىلىكتى اكىمشىلىككە بەرىلەدى. ايتالىق، وڭىردە توتەنشە جاعداي جاريالاۋ، مەشىتتەردى جابۋعا بۇيرىق بەرۋ، ۇجىمدىق جانە جەكەلەگەن مەكەن-جايلاردى قورشاۋعا الۋعا، كۇشپەن باسىپ كىرۋگە، تىنتۋگە، تەكسەرۋگە قۇقىقتى بولىپ بەكىتىلدى.

سونىمەن بىرگە جاڭا زاڭدا توتەنشە جاعداي جاريالاۋدىڭ شارتتارى مەن ەرەجەلەر دە قامتىلعان. ايتا كەتەيىك، 2015 جىلى 13 قاراشادان كەيىن جاريالانعان توتەنشە جاعداي وسىمەن التى رەت مەرزىمى ۇزارتىلدى. دەگەنمەن، 1 قاراشا كۇنى كۇشىنەن قالدىراتىنى انىق بولدى. بۇنى فرانتسيا پارلامەنتى «تەرروريزممەن كۇرەس زاڭ» جوباسى دەپ اتاپ، تەرروريزمگە قارسى كۇرەستى ارتتىرۋ ءۇشىن قابىلداعانىن اتاپ ءوتتى.

“The Qazaq Times”