رەسەيلىك «دومودەدوۆ جاۋىنگەرلەر باۋىرلاستىعى» ۇيىمى «يسلام مەملەكەتى» سودىرلارىنىڭ قولىنا تۇسكەن ادامنىڭ رەسەي ازاماتى ەكەنىن راستادى – دەپ حابارلايدى «نوۆايا گازەتا» باسىلىمى.

«دومودەدوۆ جاۋىنگەرلەر باۋىرلاستىعىنىڭ» مالىمەتىنشە، جاقىندا «يسلام مەملەكەتى» لاڭكەستىك ۇيىمى جاريالاعان ۆيدەوداعى ادامنىڭ ءبىرى ماسكەۋ وبلىسىنىڭ تۋماسى گريگوري تسۋركانوۆ. ول وسىعان دەيىن يۋگوسلاۆياداعى اسكەري وپەراتسيالارعا قاتىسقان.

ەستەرىڭىزگە سالايىق، بۇعان دەيىن «يسلام مەملەكەتى» تەررورلىق ۇيىمىنا تيەسىلى Amaq اقپارات اگەنتتىگى رەسەيلىك ساربازداردىڭ تۇتقىنعا الىنعانى جايىندا بەينەجازبا جاريالاعان بولاتىن. بىراق رەسەي قورعانىس مينيسترلىگى ءسۇريا اۋماعىنداعى ساربازداردىڭ بارلىعى وزىنە جۇكتەلگەن مىندەتتەردى اتقارىپ جۇرگەندىگىن ايتىپ، بۇل اقپاراتتى جوققا شىعارعان.

“The Qazaq Times”