قر پرەمەر-ءمينيسترى باقىتجان ساعىنتاەۆ ەنەرگەتيكا ءمينيسترى قانات بوزىمباەۆتان بەنزين باعاسىن تومەندەتۋ تۋرالى ۋادە ەستي الماعاندىقتان مونوپولياعا قارسى قىزمەتكە بەنزين باعاسىن رەتتەۋگە تاپسىرما بەردى.
ۇكىمەت وتىرىسىندا بوزىمبەاۆ اي-92 ماركالى بەنزين يمپورتىنىڭ ۇلەسىن قاراشا ايىندا 30 پايىزعا، جەلتوقسان ايىندا 20 پايىزعا ازايتۋ جوسپارى تۋرالى ايتتى.
"قاراشا مەن جەلتوقسان ايىنىڭ سوڭىندا جاعداي تۇراقتى بولادى دەپ ەسەپتەيمىز، قازان ايىنىڭ سوڭىندا رەتتەلەدى", - دەدى ول.
ال باقىتجان ساعىنتاەۆتىڭ "باعا تومەندەي مە؟" دەگەن سۇراعىنا مينيستر "باعا تۇراقتالادى" دەپ جاۋاپ بەردى.
"ەگەر يمپورت ازايسا، باعا تومەندەۋى كەرەك قوي", - دەپ ناقتىلادى ساعىنتاەۆ.
"باقىتجان ءابدىرۇلى، بۇل 20 پايىز بويىنشا رەسەيدەگى باعا قانداي بولاتىنىنا بايلانىستى. ەگەر بۇرىنعىداي تونناسى 590 دوللار بولاتىن بولسا، وندا ىشكى نارىقتا باعانى تومەندەتۋگە مۇمكىندىك بار. ال ەگەر باعا كوتەرىلسە، 20 پايىزدىڭ وزىنەن مۇمكىندىك از", - دەپ ءتۇسىندىردى ەنەرگەتيكا ءمينيسترى.
الايدا ساعىنتاەۆ ءمينيستردىڭ ءسوزىن ءبولىپ، ۇلتتىق ەكونوميكا ءمينيسترى تيمۋر سۇلەيمەنوۆكە "مونوپولياعا قارسى قىزمەت جاعدايدى مونيتورينگتەن وتكىزسىن" دەپ تاپسىرما بەردى.
ايتا كەتەيىك، قازاقستاندا بەنزين باعاسى ءبىر كۇندە 4 تەڭگەگە دەيىن قىمباتتاپ، 151 تەڭگەگە دەيىن جەتكەن. ال "قازمۇنايگاز" ۇلتتىق كومپانياسى الداعى ۋاقىتتاعى يپمورتقا بايلانىستى باعا 155-157 تەڭگەگە دەيىن كوتەرىلۋى مۇمكىن دەگەندى ايتادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى