فوتو: APF

بۇگىن بۇكىل الەمدىك اقپارات كوزدەرىنىڭ باستى جاڭالىقتارىنان وتكەن ءتۇنى لاس-ۆەگاستا بولعان قايعىلى وقيعا بولدى. قولىنا قارۋ الىپ، بەيبىت حالىققا قارسى وق جاۋدىرعان بەلگىسىز ازاماتتىڭ شابۋىلىنان 2 ادام قازا تاۋىپ، 20-سى جاراقاتتانعان. بۇل تۋرالى APF اقپاراتتىق اگەنتتىگى جازدى.

Route 91 مۋزىكالىق فەستيۆالى كەزىندە كوپشىلىك حالىق شوعىرلانعان ورىندا باستالعان اتىستى جەرگىلىكتى پوليتسي قىزمەتكەرلەرى توقتاتقان. وسى ءوڭىردىڭ تۋماسى، قولىنا قارۋ العان جالعىز ەر ازامات قۇتقارۋ وپەراتسياسى كەزىندە قازا تاپتى. پوليتسيا قىزمەتكەرلەرى الاڭداۋعا ەش سەبەپ جوق ەكەنىن جەتكىزدى. قوعامدىق شابۋىلدىڭ تەرروريزممەن بايلانىسى انىقتالعان جوق.

وقيعا بولعان العاشقى ۋاقىتتا قاۋىپسىزدىك قىزمەتكەرلەرىنەن لايىقتى جاۋاپ پەن كوممەنتاري الا الماعان بىرقاتار اقپاراتتىق اگەنتتىكتەر قۇرباندار سانىن اسىرا جازعان جايتتار تىركەلگەن. قازىر پوليتسيا رەسمي تۇردە 2 ادام جان تاپسىرىپ، 100-گە جۋىق ازامات جارالانعانىن حابارلاپ وتىر.

“The Qazaq Times”