رەسەي حيميالىق قارۋدان تولىقتاي باس تارتقانىن جاريا ەتتى. فوتو: Russia Beyond.

رەسەي جاق ىشكى رەزەرۆتەردەگى حيميالىق قارۋعا قولدانىلاتىن ەڭ سوڭعى 1 كگ حيميالىق ءدارىنى جويعانىن حابارلادى. وسىمەن رەسەيدىڭ 1996 جىلدان بەرى جوسپارلى تۇردە اتقارىپ كەلە جاتقان حيميالىق قارۋدان تازارتۋ باعدارلاماسى مارەسىنە جەتكەنىن ءبىلدىردى. سونىمەن بىرگە رەسەي حيميالىق قارۋعا تىيىم سالۋ تۋرالى كونۆەنتسيا بويىنشا ءوز مىندەتتەمەلەرىن تولىعىمەن ورىنداعانىن جەتكىزدى. بۇل شامامەن 40 مىڭ توننا حيميالىق قارۋدىڭ جويىلعانىن كورسەتەدى. بۇل تۋرالى «شينلاڭ» اقپاراتتىق سايتى حابارلادى.

رەسەي پرەزيدەنتى ۆلاديمير پۋتين وسى مالىمدەمەنى العا تارتا وتىرىپ، رەسەيدىڭ بۇل قادامى اقش-قا ۇلگى بولا الاتىنىن، ءارى اقش-تىڭ دا ءوزىنىڭ بارلىق حيميالىق قارۋلارىن جويۋىن ءۇمىت ەتەتىندىگىن اتاپ ءوتتى. ول سوزىندە: « رەسەي ءوزىنىڭ حيميالىق قارۋلارىن تولىعىمەن جويىپ بولدى. بىراق قۇراما شتاتتار ءوز ۋاقىتىندا حيميالىق قارۋدى جويۋ بويىنشا مىندەتتەمەلەرىن ورىنداماي وتىر. ولار مىندەتىن اتقارۋدىڭ مەرزىمىن ءۇش رەت ۇزارتتى. ءتىپتى قاراجاتتىڭ جەتكىلىكسىز ەكەنىن دە سىلتاۋراتتى. شىنىن ايتسام بۇنىسى تىم كۇدىكتى. بىراق ءبىز اقش جانە باسقا ەلدەردىڭ دە حيميالىق قارۋدى جويۋ شارتى بويىنشا ءوز مىندەتتەرىن ورىندايدى دەپ ۇمىتتەنەمىز»، – دەدى.

اقش مەملەكەتتىك دەپارتامەنتى 27 قىركۇيەك كۇنى بۇل تۋرالى حابارلاما جاساپ، اقش 2023 جىلدىڭ سوڭىنا دەيىن ءوزىنىڭ بارلىق حيميالىق قارۋلارىن جوياتىنىن مالىمدەگەن. حابارلامادا «قۇراما شتات 2023 جىلدىڭ سوڭىنا دەيىن ءوزىنىڭ بارلىق حيميالىق ارسەنالىن جويۋ مىندەتىن ادا ەتەدى» دەلىنگەن.  سونىمەن بىرگە، رەسەيدىڭ حيميالىق قارۋلارىنىڭ تولىق جويىلعانىنا سەنىمدى بولۋ ءۇشىن اقش ۇكىمەتى كولورادو جانە ريچموند (كەنتۋككي) قويمالارىنداعى قالعان حيميالىق قارۋدىڭ جويىلۋىنا باسا نازار اۋداراتىنىن اتاپ ايتتى.

“The Qazaq Times”