قازاقستاندىقتاردىڭ شەتەل ۆاليۋتاسىنداعى دەپوزيتتەرى قايتا كوبەيە باستادى

قازاقستاندىقتاردىڭ دەپوزيتتىك ۇيىمدارداعى سالىمدارىنىڭ كولەمى ءبىر ايدا وزگەرمەي ء(وسۋ 0,1%-عا), 2017 جىلعى تامىزدىڭ سوڭىندا 17 651,3 ملرد تەڭگەنى قۇرادى. بۇل تۋرالى ۇلتتىق بانكتىڭ ءباسپاسوز قىزمەتى حابارلادى. 

باس بانكتىڭ مالىمەتىنشە، زاڭدى تۇلعالاردىڭ دەپوزيتتەرى 9 614,0 ملرد تەڭگەگە دەيىن 0,9%-عا قىسقارىپ، جەكە تۇلعالاردىڭ دەپوزيتتەرى 8 037,3 ملرد تەڭگەگە دەيىن 1,2%-عا ۇلعايعان.

ۇلتتىق ۆاليۋتاداعى دەپوزيتتەردىڭ كولەمى 8 765,1 ملرد تەڭگەنى ء(بىر ايدا 3,4%-عا قىسقاردى) قۇرادى، شەتەل ۆاليۋتاسىنداعى دەپوزيتتەر 8 886,2 ملرد تەڭگەگە دەيىن 3,7%-عا ۇلعايدى. دوللارلانۋ دەڭگەيى تامىزدا 50,3%-دى قۇرادى.

زاڭدى تۇلعالاردىڭ ۇلتتىق ۆاليۋتاداعى دەپوزيتتەرى 2017 جىلعى تامىزدا 3,6%-عا قىسقارىپ، 5 288,7 ملرد تەڭگە بولدى، شەتەل ۆاليۋتاسىنداعى دەپوزيتتەرى 4 325,4 ملرد تەڭگەگە دەيىن 2,7%-عا (زاڭدى تۇلعالار دەپوزيتتەرىنىڭ 45,0%-ى) ۇلعايدى.

جەكە تۇلعالاردىڭ تەڭگەمەن دەپوزيتتەرى 3 476,5 ملرد تەڭگەگە دەيىن 3,1%-عا
تومەندەدى، شەتەل ۆاليۋتاسىمەن دەپوزيتتەر 4 560,8 ملرد تەڭگەگە دەيىن 4,7%-عا (جەكە تۇلعالار دەپوزيتتەرىنىڭ 56,7%-ى) ءوستى.

مەرزىمدى دەپوزيتتەر 12 333,3 ملرد تەڭگەگە دەيىن 2,7%-عا ءوستى. ولاردىڭ
قۇرىلىمىندا ۇلتتىق ۆاليۋتامەن سالىمدار 5 847,1 ملرد تەڭگە، شەتەل ۆاليۋتاسىمەن سالىمدار 6 486,2 ملرد تەڭگە بولدى.

بانكتىك ەمەس زاڭدى تۇلعالاردىڭ ۇلتتىق ۆاليۋتامەن مەرزىمدى دەپوزيتتەرى بويىنشا ورتاشا الىنعان سىياقى مولشەرلەمەسى 8,0% (2016 جىلعى جەلتوقساندا – 10,5%), جەكە تۇلعالاردىڭ دەپوزيتتەرى بويىنشا 12,2% (12,2%) دەڭگەيىندە قالىپتاستى.

ايتا كەتەيىك، سوڭعى ايدا ۇلتتىق ۆاليۋتانىڭ تەڭگەگە قاتىستى باعامى 2,7 پايىزعا السىرەپ، مۇنى ۇلتتىق بانك حالىقتىڭ شەتەل ۆاليۋتاسىنا سۇرانىستىڭ ارتىپ كەتۋىمەن تۇسىندىرگەن ەدى.

 “The Qazaq Times”