ارمەنيادا ورىس تىلىنە شەت ءتىلى ستاتۋسى بەرىلدى - دەپ حابارلايدى تاسس اقپارات اگەنتتىگى.

بۇل جايىندا ارمەنيا ءبىلىم جانە عىلىم ءمينيسترى لەۆون مكرتچيان: «ءبىزدىڭ ەلىمىزدە ءبىر عانا مەملەكەتتىك ءتىل بار ول – ارميان ءتىلى. ءبىز تاۋەلسىز ەل بولعاندىقتان بۇعان ەشكىم قارسى كەلمەيدى، بۇل زاڭدىلىق. قالعان تىلدەردىڭ بارلىعى شەت تىلدەرى. ورىس ءتىلىن ارمەنيا حالقى كەڭەستەر وداعىنان بەرى ارميان تىلىمەن قاتار الىپ كەلەدى. بىراق وعان وسى ۋاقىتقا دەيىن رەسمي ستاتۋس بەرىلگەن جوق. ال اعىلشىن، فرانتسۋز، نەمىس تىلدەرىنىڭ بارلىعى شەت تىلدەرىنىڭ قاتارىنا كىرەدى. وسىدان باستاپ ءبىز ورىس ءتىلىن ارمەنيادا شەت تىلدەرىنىڭ قاتارىنا ەنگىزەتىن بولامىز» - دەگەن.

قازىرگى تاڭدا ارمەنيادا 12 مىڭ ورىس تۇرادى. بۇل كورسەتكىش 2002 جىلى 15 مىڭ بولعان. ال 1989 جىلدارى ارمەنيا اۋماعىندا 52 مىڭ ورىس ءومىر سۇرگەن. ەل حالقىنىڭ 97 پايىزى ارميان تىلىندە سويلەيدى. بىراق ەرەۆان سىندى قالالاردىڭ تۇرعىندارى ارميان تىلىمەن قاتار ورىس ءتىلىن دە پايدالانادى. ارمەنيا اۋماعىندا 50-گە جۋىق ورىس مەكتەپتەرى بار.ول مەكتەپتەردە ۇلتى ورىس نەمەسە رەسەيمەن قانداي دا ءبىر قاتىسى بار ازاماتتاردىڭ بالالارى عانا ءبىلىم الادى. اتالمىش ءبىلىم وردالارى رەسەي فەدەراتسياسىنىڭ وقۋ باعدارلاماسى بويىنشا جۇمىس ىستەيدى.

“The Qazaq Times”